IRAKO - 28-an de julio, 2008.

Almenaŭ 55 personoj pereis hodiaŭ pro sinsekvo de atencoj kiuj frapis Irakon. La atencoj frapis la irakan ĉefurbon dum religia ceremonio kaj ankaŭ la nordan urbon Kirkuk dum kurdaj manifestacioj. Almenaŭ 28 personoj estis mortigitaj kaj 92 aliaj vunditaj en tri suicidaj atencoj faritaj de virinoj en Bagdado. La atencoj ne estis ĝis nun postulataj. Sed estas sciate, ke la Islama movado Al-Kaida ĉiam pli ofte varbas virinojn por elfari memmortigajn atencojn, ĉar ili evitas pli facile la sekurecajn kontrolojn ol viroj.

SAŬDA ARABIO - 5-an de junio, 2008.

La monarĥo de Saŭda Arabio alvokis al Islamanoj paroli unuvoĉe kaj prepariĝi por interreligia dialogo kun la Juda kaj Kristana mondoj. La Reĝo Abdullah parolis ĉe tritaga konferenco en Mekko, kiun ĉeestis centojn de Islamaj delegitoj el 50 landoj. La reĝo, kies lando estas plejparte Sunaisma Islama, diris, ke ekstremistoj ekspluatas la tolereman naturon de Islamo.

EGIPTIO - 12-an de majo, 2008.

Flirtadi inter junaj personoj ne estas la nura kialo de la sukceso de Facebook en la Arabaj landoj : en tiu sociiga retejo, virtualaj grupoj kiel "Free Egypt" (Libera Egiptio) konsistigas lokon de interŝanĝo por la aktivuloj de homaj rajtoj. Arestita 15 tagojn antaŭe, la kreinto de forumo kiu alvokis al protestado kontraŭ altaj prezoj en Egiptio estis liberigita de prizono je la 23-a de aprilo. Ene de kelkaj semajnoj, 64 000 personoj aliĝis en tiun grupon. Antaŭ unu jaro, Facebook devis silentigi grupon okupiĝante pri defendo de samseksemaj rajtoj, post la postulo de la Egipta kaj Saŭda registaroj...

LIBANO / BAREJNO - 1-an de majo, 2008.

Voluptema Libana kantistino provokas vortbatalon en Barejno, kie ŝi devas unuafoje prezentiĝi por spektaklo. Ĉiuj membroj krom unu en la parlamento regata de Islamisma plimulto de tiu malgranda Araba reĝlando aprobis iniciaton kiu instigas la registaron malpermesi la spektaklon de Haifa Wehbe.