TURKIO - 30-an de januaro, 2008.

Du gravaj partioj en Turkio prezentas komunan planon al la parlamento, kiu celas faciligi permeson de la Islama kaptuko en la landaj universitatoj. La nun reganta Islamisma AK Partio kaj la naciisma MHP diras, ke estas afero de homaj rajtoj kaj liberecoj. La du partioj havas sufiĉajn sidejojn en parlamento por renversi la konstitucian malpermeson pri kaptukoj.

LIBANO - 28-an de januaro, 2008.

Sep homoj estis mortigitaj en la Libana ĉefurbo, Bejruto, post manifestacioj kontraŭ elektraj senkurentigoj kiuj finiĝis perforte. Oni pafis al la protestantoj kiam la armeo intervenis por provi bloki vojon. Aktivuloj de la opozicia Ŝijaisma movado estis mortigitaj, ekkaŭzante perfortajn protestojn en kiuj ses pliaj homoj estis mortigitaj, laŭ raportoj. Prisekureca respondeculo diris, ke armitaj homoj komencis pafadi sur trupojn kiam ili provis disrompi la manifestaciojn. Kiam bataladoj disvastiĝis en Bejruto, sporadaj pafadoj estis aŭdataj kaj la flughavena vojo estis intertempe blokita per amasoj da pneŭmatikoj.

TURKIO - 8-an de januaro, 2008

Post la Italoj, la Francoj aŭ la Irlandanoj, la Turkoj voĉdone elektis leĝon malpermesante la uzon de tabako en tuta serio da publikaj lokoj. “Vera revolucio”, en ĉi tiu lando. La leĝo kiu malpermesas la uzon de la cigaredo en ĉiuj fermataj publikaj lokoj estis aprobita de la Turka Parlamento kaj havos baldaŭ forton de leĝo.