| Nordameriko - Diversaĵoj |
  USONO - 14-an de marto, 2009.
Mesaĝo tra la tempo : La sekrethava poŝhorloĝo de Abraham Lincoln
La Vaŝingtona muzeo pri amerika historio malkovris grifelitan "sekretan mesaĝon" ene de poŝhorloĝo - iama posedaĵo de Abraham Lincoln. Per tiu skribaĵo, iu juvelriparisto aludis la unuan pafon de la secesia milito kaj ĝojis pro la fakto ke iu prezidanto estris la landon. La mesaĝo troveblas ene de la ora horloĝo, inter la dentradoj : " 13 aprilo 1861 : La ribeluloj atakis je Fort Sumter. Dank’al Dio, ni havas estraron".
|
|
| Nordameriko |
 USONO /  AFGANIO - 20-an de novembro, 2008.
La "vickomandanto" de la islama radikala reto al-Kaida alvokis al Islamanoj dolori al "krima" Usono. En mesaĝo Ayman al-Zawahiri, la viculo de al-Kaida, akuzis la usonan Instalotan prezidenton Barack Obama, ke li perfidas siajn islamajn radikojn. Li komparis lin kun "domsklavon", kiu elektis viciĝi kun la "malamikoj" de Islamo. Sro Obama diris, ke "definitive" ekstermi al-Kaida estos la plej alta prioritato dum lia administro. Dimanĉon, li diris, ke kapti aŭ mortigi Osama Bin Laden estas "decidiga por la usona sekureco". Li ankaŭ promesis plifortigi la usonan ĉeeston en Afganio, politiko kiu ne sukcesos, laŭ la reprezentanto de al-Kaida. Usonaj respondeculoj tamen diris, ke la mesaĝo ne signalas pliigantan minacon kontraŭ Usono.
|
| Nordameriko - Diversaĵoj |
  HAITIO - 8-an de novembro, 2008.
Savtaĉmentoj laboris tra la tuta nokto sub verŝlumiloj ĉe lernejo en Haitio kiu disfalis dum kelkcentoj da infanoj estis ene de ĝi. Almenaŭ 58 homoj mortis, kaj pli ol 120 vundiĝis, kiam la trietaĝa konstruaĵo en Port-au-Prince falis. La perdo de vivoj povus altiĝi ĉar multaj ankoraŭ restas kaptitaj sub la restaĵoj de la konstruaĵo.
|
| Nordameriko - Diversaĵoj |
  MEKSIKO - 5-an de novembro, 2008.
La meksika ministro pri Internaj Aferoj Juan Camilo Mourino mortis, kune kun sep aliaj personoj kiam lia ministeria aviadilo kraŝis en centra Meksikurbo. La “Learjet” ekflamis kiam ĝi malsupreniris dum trafika pinthoro en la koro de la ĉefurba financa distrikto je proksimume 19:00 loka tempo (00:00 UT). Eksa vicĉefprokuroro, José Luís Santiago, kaj aliaj altrangaj konsilistoj estis ankaŭ mortigitaj en la kraŝo.
|
| Nordameriko - Diversaĵoj |
USONO /  KANADO - 3-an de novembro, 2008.
La usona kandidatino al vicprezidenteco Sarah Palin iĝis viktimo de petola ŝerca telefonvoko de kanada komediisto kiu sin prezentis kiel la franca prezidento. Marc Antoine Audette konvinkis la alaskan guberniestrinon, ke ŝi estis parolanta kun Nicolas Sarkozy dum sesminuta babilado elsendita sur Montreala radioprogramo.
|
|
|
Pli multe da artikoloj...
|
<< Komenco < Antaŭa 1 2 Sekva > Fino >>
|
| JPAGE_CURRENT_OF_TOTAL |
