Afriko : lasttempaj artikoloj
- Futbala Mondpokalo : ĉu triumfo por Sudafriko ?
- Kasubi reĝaj tomboj detruitaj de fajrego
- Nova frapkratero eltrovita en Afriko
- Religiaj interbataloj en Niĝerio mortigas 500 homojn
- Togolando : Kontesto de rezulto en prezidentelekto
- Vidvino de ruanda eksprezidento arestita en Francio pro genocido
- Sudano subskribas pac-akordon pri Darfur
- Puĉo en Niĝero
- Gbagbo dissolvas registaron en Ebura Bordo
- Eble vakcino kontraŭ malario post 3 jaroj
La mondo en bildoj
|
www.flickr.com
|
| Klaku.net | Via demokratia amaskomunikilo |
|
| Futbala Mondpokalo : ĉu triumfo por Sudafriko ? |  |
 |
| Afriko - Sportoj kaj distraĵoj | ||||
  SUDAFRIKO - 13-an de julio, 2010.
Povus esti iom troigite sugesti, kiel la Ĝenerala Sekretario de Unuiĝintaj Nacioj, Ban Ki-moon, faris, ke Sudafriko gastiganta la turniron de Monda Futbalpokalo estis "triumfo por homeco." Pli certe tio estis triumfo por Sudafriko mem, ĝenerale aklamita sekve de la dimanĉa finalo, pro tio, ke sukcese okazigis tiu lando la tutmondan sportan spektaklon malgraŭ sia perforteca pasinteco kaj siaj restantaj problemoj.
Tiuj kiuj havas metodojn por mezuri ĉi tian aferon diras, ke gastigo de la Monda Pokalo grave akcelas la landan feliĉo-indekson kaj nutras komunuman senton, kiu plifortigas la nacian ŝtofon. Tial, pli feliĉa, pli bone funkcianta Sudafriko estas sendube beno por homeco. La turniro estis grandioza ekspoziciejo por Sudafriko kiu ankoraŭ suferas malbonan internacian reputacion 16 jarojn post la falo de  la naŭza rasapartisma reĝimo. La glateco de la organizado, la kvalito de la instalaĵoj kaj la bona etoso malpruvas la fifamon de Sudafriko kiel ĥaosa krimlando, turmentita de rasa batalado. La turniro allogis la duan plej grandan ĉeeston en historio de la Monda Pokalo.Proksimume duonmiliono da fremdaj fervoruloj vojaĝis al la lando, tio estas bona pruvo de sudafrika gastamo. Ne estis perforto, kaj krimoj raportitaj dum la tutmonata turniro estis bagatelecaj, multe malpli perfortaj ol iuj atendis. La nuna espero estas, ke Sudafriko sukcesos konstrui sur sia Mondpokala triumfo. "Tio, kion ni lernis dum la ses jaroj da preparo por la Monda Pokalo estas tio, ke se ni povas enfokusigi niajn mensojn, ni povas elradikigi malriĉecon kaj senlaborecon en ĉi tiu lando." Tamen, penoj per meti finon al malriĉeco en la lando kie senlaboreco atingas preskaŭ trionon de la loĝantaro estas pli malfacila kaj teda kaj malpli ŝika tasko ol prepari futbalan Mondpokalan spektaklon. Estas jam frivola diskuto pri tio, ĉu Sudafriko hodiaŭ kapablas gastigi la Olimpikojn. Tio ja estas nova defio, kiun la landon povus alfronti baldaŭ. En la nuna tempo, tamen, Sudafriko havas pli premajn kaj urĝajn defiojn en la formo de senbrida malriĉeco, malsano, krimo kaj rasa streĉiteco al kiuj estus pli bone apliki la spiriton kiun la Monda Pokalo donis al la lando... Sudafrikanoj blindumitaj de Olimpikaj revoj prenu kelkajn profundajn enspirojn kaj eklabori... |
