Afriko : lasttempaj artikoloj
- Futbala Mondpokalo : ĉu triumfo por Sudafriko ?
- Kasubi reĝaj tomboj detruitaj de fajrego
- Nova frapkratero eltrovita en Afriko
- Religiaj interbataloj en Niĝerio mortigas 500 homojn
- Togolando : Kontesto de rezulto en prezidentelekto
- Vidvino de ruanda eksprezidento arestita en Francio pro genocido
- Sudano subskribas pac-akordon pri Darfur
- Puĉo en Niĝero
- Gbagbo dissolvas registaron en Ebura Bordo
- Eble vakcino kontraŭ malario post 3 jaroj
La mondo en bildoj
|
www.flickr.com
|
| Klaku.net | Via demokratia amaskomunikilo |
|
| Gbagbo dissolvas registaron en Ebura Bordo |  |
 |
| Afriko - Politiko |
  EBURA BORDO - 13-an de februaro, 2010.
La prezidento de Ebura Bordo Laurent Gbagbo dissolvis la registaron kaj balotadan komisionno, pridubigante pri kiam la jam longe prokrastitaj balotadoj okazos. Li petis al la ĉefministro Guillaume Soro formi novan registaron. Sro Gbagbo akuzis la balotadan komisionon pri fraŭda provo aldoni pli ol 400 000 homoj al la definitiva nomaro de voĉdonantoj.
La kontraŭstaro diras, ke la plimulto de ili estas anoj de etnoj en la nordo, kiuj verŝajne ne aprobos Sron Gbagbo. En la pasintaj du semajnoj, prezidentaj subtenantoj provis uzi la tribunalojn por forigi milojn el la listoj de voĉdonantoj, akuzante, ke ili estas fremduloj. Ebura Bordo, kiu estas la plej granda kakaoproduktisto en la mondo, malrapide retrovas trankvilecon kaj bonfarton, post kiam ĝi estis tranĉita en du partoj pro interna milito dum kelkaj jaroj. Tamen, provoj okazigi balotadojn estas fojerefoje prokrastitaj.  En registrita mesaĝo elsendita lastan vendredon, la prezidento Gbagbo anoncis, ke la registaro de Ebura Bordo estas dissolvita. Li ankaŭ diris, ke li likvidas la Komisionon pri Balotadoj, argumentante, ke ĝia direktoro Robert Beugre Mambe "kondukis kontraŭleĝan operacon". Sro Mambe estas membro de opozicia partio. "Mi deziras registaron, kiu servas la intereson de Eburabordanoj kaj ne la ordoj de politikaj partioj," Sro Gbagbo aldonis. "La misio de ĉi tiu nova registaro estos, sub la aŭtoritato de la prezidento kaj la ĉefministro, kompletigi la finajn agojn necesajn por eltiri Eburan Bordon el sia politika krizo." La opozicio diras, ke la plimulto de la homoj kiuj estis malkvalifikitaj de la Komisiono pri Balotadoj estas anoj de etnoj en la nordo de la lando, kiuj verŝajne ne subtenos Sron Gbagbo en iu ajn voĉdono. Balotadoj, kiu devis okazi la29-an de novembro 2009, estis jam ses fojojn prokrastitaj. La prezidento Gbagbo estis elektita en oktobro 2000 por kvinjara mandato. Merkredon la ĉefministro Soro, la gvidanto de la eksribeluloj, interrompis juĝajn decidojn de balotanto-enskribiĝo pro altiĝanta streĉa situacio. La eksribelulo de la Novaj Fortoj kaptis nordan parton de Ebura Bordo en 2002. Ili nun dividas la potencon kun Sro Gbagbo laŭ pacakordo. Legu pli pri Laurent Gbagbo |
