TOGOLANDO - 07-an de marto, 2010.

La ĉefa kontraŭstara partio en Togolando diras, ke ĝi ne agnoskas la rezulton de la balotado kiu revenigis la prezidenton Faure Gnassingbe al potenco. La "Unio de Fortoj por Ŝanĝo" (france UFC) diris, ke estis vasta fraŭdo kaj ĝi planas defii la rezulton en Konstitucia Tribunalo de la lando. La opozicia partio deklaris, ke sia gvidanto, Jean-Pierre Fabre, gajnis la voĉdonadon kaj formos la sekvantan registaron.

Sro Gnassingbe estas la filo de la lasta diktatoro de Togolando. Li gajnis 1,2 milionoj da voĉdonoj el du milionoj da voĉdonintoj, oficialuloj diris, tio estas konsiderinde pli ol la kalkulo de lia rivalo kiu laŭ la samaj oficialuloj ricevis nur 692 584 voĉdonojn. Sed la direktoro pri komunikado de la UFC, Eric Dupuy, diris, ke la rezultoj de 35 distriktoj en la lando estis ekskluditaj antaŭ ol la oficiala konfirmo ĉe la balotada komisiono kaj la venk-anonco sekve estas kontraŭleĝa.

Sro Dupuy rakontis al fremdaj reporterpj, ke la partio kontestos la rezulton, eĉ kvankam ĝi havas neniun fidon en la Konstitucia Tribunalo kiel sendependa organizo. "Ni batalos," Eric Dupuy deklaris.

Reagoj sur la stratoj estis malmultaj kun nur malgranda opozicia manifestacio rapide disvastigita per larmgaso sabate, diras la ĵurnalistoj kiuj observas tiujn balotadojn en Togolando. Internaciaj observantoj laŭdis la relative pacan naturon de la balotado. Sed ili ankaŭ indikis malrespektoj ĉe ĉiuj stadioj de la procezo sen diri ĉu ili estis sufiĉe vastaj por falsigi la rezulton.

En 2005, kiam la prezidento Gnassingbe gajnis sian unuan mandaton, estis masiva perforto kaj centoj de homoj estis mortigitaj. En la kampanjo antaŭ ĉi tiu voĉdono, ĉiuj partioj petis trankvilon. Do la trankvilo estas preskaŭ tenata, diras gazetkorespondantoj tie.