RUANDO - 03-an de marto, 2010.

La vidvino de la eksa ruanda prezidento Juvénal Habyarimana, kies murdo ekkaŭzis la fifaman ruandan genocidon, estis arestita en Francio. Agathe Habyarimana estas akuzita de la nuna ruanda registaro, ke ŝi helpis plani la genocidon de 1994, kaj longe estis serĉita de prokuroroj tie. Sinjorino Habyarimana, kiu vivas en Francio de pluraj jaroj, neas la akuzojn.

Pli ol 800 000 Tutsioj kaj moderaj Hutuoj mortis en la masakroj de 1994. Francaj oficialuloj deklaras, ke Agathe Habyarimana estis arestita en la pariza regiono, de policistoj kiuj efektivigis la internacian mandaton pri aresto publikigita de Ruando. Sinjorino Habyarimana, kiu estis hepita en sia forflugo el Ruando de la franca militistaro en la fruaj tagoj de la perforto, serĉis politikan azilon en Francio, sen sukceso.

Ŝia aresto sekvas viziton al la ruanda ĉefurbo lastan semajnon de la franca prezidento Nicolas Sarkozy, kiam li agnoskis, ke Francio - kaj pli larĝe la internacia komunumo - faris "erarojn" pri la genocido. Liaj rimarkoj sekvis jarojn de streĉitaj rilatoj inter la du landoj.
Diplomatiaj rilatoj estis restarigitaj lastan jaron, rompitaj post kiam franca juĝisto diris, ke la ruanda prezidento Paul Kagame instigis la murdon de Habyarimana. Ruando akuzis Francion, ke ĝi armis la Hutuajn miliciojn engaĝiĝintajn en la genocido de 1994.

La advokato de Agathe Habyarimana deklaras, ke ŝia aresto estas rekte ligita al tiu vizito de Nicolas Sarkozy al Ruando. "Vi ne povas ne tiri ligon," diris Philippe Meilhac. "La ekstradicia peto fare de Ruando datiĝas de novembro kaj estis evidente reaktivigita."

Tamen hodiaŭ restas ne klare, ĉu Francio ekstradicios ŝin al Ruando. Francaj juĝistoj ĵus rifuzis sendi tri suspektatojn al Ruando timante, ke ili ne ricevos justan elprovon. Francio, tamen, ekstradiciis suspektatojn al la UN-subtenita ruanda militkrima tribunalo en Arusha, Tanzanio.

La prezidento Habyarimana mortis en aprilo 1994, kiam lia jeto estis frapita de misilo super la flughaveno de la ruanda ĉefurbo Kigali. Etnaj Hutuaj subtenantoj de la prezidento tiame lanĉis la ŝajne antaŭplanataj masakroj.