IRAKO - 13-an de marto, 2010.


Koalicio gvidita de Nouri al-Maliki, ŝiaisma ĉefministro de Irako, alvenas je la unua loko en Bagdado, en parlamenta balotado, laŭ oficialaj sed ĝis nun preparaj rezultoj. La partaj rezultoj estis poŝtitaj de la balotada komisiono de Irako sur sian retejon sabate, kvankam la publikigo de finaj rezultoj por la voĉdonado povus daŭri semajnojn.

Kun nur 18 % de voĉdonoj jam kalkulitaj, la koalicio de Sro Maliki nomata "Rajtstato" estis sekvita de la Iraka Nacia Alianco (INA), ŝiaisma koalicio kun ligoj al Irano kaj la listo "Iraqiya", sekularisma grupo, estrata de Ijad Allaŭi, eksa ĉefministro. Allaŭi kaj al-Maliki jam batalis por la posteno de ĉefministro.

La iraka ĉefurbo kalkulas 70 parlamentajn seĝojn, aŭ pli ol kvinonon de la 325-membra iraka Konsilio de Reprezentantoj. Partaj rezultoj ankaŭ indikas, ke la balotada listo de al-Maliki estas je unua loko enprovincoj de Naĝaf, Babil, Muthanna kaj Karbala, dum la gupo Iraqiya de Ijad Allaŭi estas la unua listo en du provincoj norde kaj oriente de Bagdado.

En norda Irako, listo reprezentanta du gravaj kurdaj partioj ŝajne estas ege antaŭen, laŭ partaj fruaj rezultoj.

28% de voĉdonoj kalkulitaj montras, ke la bloko inkluzivanta la Patriotan Union de Kurdio de Ĝalal Talabani, la iraka prezidento kaj la Demokrata Partio de Kurdio, de Masud Barazani, la regiona prezidento de iraka Kurdio, alvenas ege antaŭen.

Plenaj rezultoj ne estas atenditaj antaŭ la 18-a de marto, kaj la lastaj finaj rezultoj ne estas anoncotaj post kiam ajnaj pledoj estas traktitaj, antaŭ la fino de la monato.

Ankaŭ legu :

• "Voĉdonkalkulado ekkomenciĝas en Irako" (2010/03/08)