| Mezoriento - Socio |
 EGIPTIO - 30-an de septembro, 2008.
Grupo de okcidentaj turistoj kaj iliaj egiptaj gvidantoj, kiuj estis forkaptitaj antaŭ 10 tagoj de armitaj viroj, estis liberigitaj. La 11 ostaĝoj, kvin Italoj, kvin Germanoj kaj unu Rumano, kaj la ok gvidantoj estas laŭdire bonsanaj.
|
|
| Mezoriento - Socio |
EGIPTIO -  PALESTINO - 20-an de septembro, 2008.
Palestinaj respondeculoj en Gazao diras, ke la transirejo de Rafah kun Egiptio malfermiĝas dum du tagoj por lasi studentojn, pilgrimantojn kaj kuracistojn eniri kaj eliri. La landlimo plejparte restis fermita de Egiptio ekde zelotoj de Hamaso ekkaptis la regon de la teritorio en junio 2005.
|
| Mezoriento - Socio |
EGIPTIO - 15-an de septembro, 2008.
La egipta parlamento esploros novan leĝproponon pri elsendaĵoj en novembro ĉi-jare. Tio kreskigas zorgojn por ĵurnalistoj kaj gazetaraj grupoj kiuj kampanjas por rajtoj enlande kaj eksterlande. Ĵurnalistoj jam laboras sub severa minaco de la registaro, pro alta nivelo de cenzuro. Kelkaj egiptaj televidfirmaoj kiuj kunlaboras kun fremdaj satelitaj televidstacioj jam estis cenzuritaj ĉi tiun jaron, Reporteroj Sen Limoj (RSF) raportas.
|
| Mezoriento - Socio |
 SAŬDA ARABIO - 14-an de septembro, 2008.
La plej altranga juĝisto en Saŭda Arabio anoncis, ke estas permeseble mortigi la posedantojn de satelitaj televidkanaloj kiuj elsendas malmoralajn programojn. Ŝejko Salih Ibn al-Luhajdan diris, ke iuj "malbonaj" distraj programoj elsendataj de la televidkanaloj promocias diboĉon.
|
| Mezoriento - Socio |
 ISRAELO / PALESTINO - 11-an de septembro, 2008.
Israelo aneksis milojn da hektaroj de cisjordania lando apud la baro kiun ĝi konstruas, laŭ israela grupo de kampanjantoj por homaj rajtoj. La grupo B'Tselem diras, en raporto publikigita je la 11-a de septembro, ke la pravigo por preni tiun landopecon estas, ke tio necesas por protekti israelajn koloniojn.
|
|
|
Pli multe da artikoloj...
|
<< Komenco < Antaŭa 1 2 3 4 5 6 7 8 9 10 Sekva > Fino >>
|
| JPAGE_CURRENT_OF_TOTAL |
