| Azio - Politiko |
  ĈINIO - 26-an de marto, 2009.
Ĉinio decidis intensigi siajn marameajn patrolojn en la akvoj de la sudĉina maro, sekve de alfrontiĝo kun ŭsona maramea ŝipo. La direktoro de la departemento pri fiŝkaptado Wu Zhuang diris, ke la motivo ĉe la deveno de tia decido estas, ke kontraŭleĝa fiŝkaptado pliiĝis kaj " senbazaj teritoriaj asertoj" ankaŭ pligrandiĝas en maroj kiujn Ĉinio vidas kiel siaj proporaj, ŝtataj amaskomunikiloj raportis ĵaudon.
|
|
| Azio - Politiko |
 ĈINIO (  TIBETO) - 23-an de marto, 2009.
93 monaĥoj estas tenataj de la ĉina polico post tumulto en urbo enloĝata de Tibetanoj, ŝtataj amaskomunikiloj raportas. La monaĥoj estis arestitaj post kiam amaso de minimume 100 personoj atakis policejon en la urbeto La'gyab en la provinco Qinghai lastan sabaton, Xinhua-novaĵagentejo diris.
|
| Azio - Politiko |
 ĈINIO ( TIBETO) - 10-an de marto, 2009.
La Dalailamao lanĉis furiozan atakon kontraŭ la ĉina regado en sia tibeta hejmlando, priparolante la homajn vivojn kiel "la inferon sur la Tero". Kvin jardekoj de ĉina regado kaŭzis " nekalkuleblan suferon", la tibeta ekzilita spirita gvidanto diris, akuzante Pekinon pri estigo de klimato de timego. Li ankaŭ ripetis la peton por tibeta " laŭleĝa kaj serioza memstareco". Tiujn ĉi vortojn li elparolis ĉe la 50-a datreveno de la nesukcesinta insurekcio kontraŭ ĉinaj soldatoj kiu provokis lian ekzilon.
|
| Azio - Politiko |
  NORDKOREIO - 10-an de marto, 2009.
Nordkoreaj militistoj deklaris sin en stato de pleja alarmo kaj minacis " senkompatajn rebatajn frapojn" nur kelkajn horojn antaŭ ol usonaj kaj sudkoreaj fortoj komencis ĉiujarajn militistajn ekzercojn. Pjongjango ankaŭ avertis pri milito se tio, kion ĝi nomas lanĉon de satelito, sed kio laŭ strategiaj analizistoj estas longdistanca misilotesto, estas paffaligita. " Pafado de nia satelito kun pacaj celoj ĝuste signifos militon," diris komunikaĵo de la oficiala nordkorea centra novaĵagentejo (KCNA) lundon.
|
| Azio - Politiko |
ĈINIO - 28-an de februaro, 2009.
Tibeta monaĥo estis pafita post kiam li bruligis sin mem dum protesto pro pekina regado, raportoj diras. Tio okazis en la urbo Aba en sudokcidenta ĉina provinco de Sichuan, enloĝata de Tibetanoj, dum renkontiĝo de pli ol 1000 monaĥoj. La monaĥo, nomata Tapey, onidire kriegis sloganojn kaj portis tibetan flagon, tiam li verŝis benzinon sur sin kaj ekbruligis sin.
|
|
|
Pli multe da artikoloj...
|
<< Komenco < Antaŭa 1 2 3 4 5 6 7 8 9 10 Sekva > Fino >>
|
| JPAGE_CURRENT_OF_TOTAL |
