ĈINIO - 1-an de aŭgusto, 2008.

Ĉinio ŝajne ĵus malblokis kelkajn pliajn malpermesitajn retejojn en partoj de Pekino post plendoj de ĵurnalistoj kiuj priraportos la Olimpikajn Ludojn. La ĉina decido sekvas intertraktojn inter la ĉinaj organizantoj kaj respondeculoj de la Internacia Olimpika Komitato (IOK). La respondeculoj pri la Ludoj esperas, ke tio kvietigos disputon pri retaliro por tiuj priraportontaj la sportajn konkursojn.

ĈINIO - 29-an de julio, 2008.

Deko da tagoj antaŭ la komenco de la Olimpikaj Ludoj en Pekino, raporto de Amnestio Internacia, publikigita je la 28-a de julio, anoncas, ke Ĉinio uzas tiun sporteventon "kiel pretekston por daŭrigi, aŭ eĉ intensigi aranĝojn kaj ekzistantajn praktikojn kiuj kondukas al tre disvastiĝantaj malobservoj de homaj rajtoj", kaj forigi el la ĉefurbo la "nedezirindulojn". "Krom se okazas radikala ŝanĝo fare de respondeculoj, la heredaĵo de Olimpikaj Ludoj ne estos pozitiva por homaj rajtoj en Ĉinio", taksas la organizo pri defendo de homaj rajtoj bazita en Londono.

ĈINIO - 27-an de julio, 2008.

La informo estas nun konfirmata de usonaj gazetoj mem : Estas aktuale 253 milionoj da ĉinaj interretumantoj kaj "nur" 220 milionoj da usonaj laŭ artikolo de New York Times. Tamen necesas emfazi, ke la indico de uzantoj kiu estas 70 % de la tuta loĝantaro en Usono apenaŭ atingas 20 % en Ĉinio. Sekve nur komenciĝas la fenomeno en Ĉinio.

BARATO - 26-an de julio, 2008.

Almenaŭ 45 homoj estis mortigitaj kaj pli ol 100 vunditaj post serio da eksplodoj kiuj frapis la okcidentan baratan urbon Ahmedabad, respondeculoj anoncas. Ili raportas 17 eksplodojn kiuj trafis loĝejajn kvartalojn, homplenajn merkatojn, fervojan kaj aŭtobusan stacion en la komeca metropolo de la okcidentbarata ŝtato Guĝarato.