USONO / TURKIO - 07-an de aprilo, 2009.

Barack Obama deklaris, ke Usono "ne militas kun Islamo", en grava parolado dum lia unua vizito kiel prezidento al plejparte Islama lando. Alparolante la turkan parlamenton, Sro Obama alvokis al pli granda partnereco kun la Islama mondo kaj diris, ke Usono baldaŭ lanĉos komunajn programojn. "Usona interrilato kun la Islama mondo ne povas resti kaj ne restos sur bazo de kontraŭstaro al al-Kaida," li diris. Sro Obama ankaŭ diris, ke Vaŝingtono subtenas la turkajn penojn aliĝi al la EU.

KANADO - 06-an de aprilo, 2009.
 

USONO / MEKSIKO - 25-an de marto, 2009.

Vaŝingtono maltrankviliĝas vidante la perforton ligitan al milito kontraŭ la narkotistoj kiuj sin trudas al Usono, dum Hillary Clinton alvenas en Meksikurbon. La ŝtata sekretariino Hillary Clinton devas atendi ricevon sufiĉe malvarman ĉe sia alveno al Meksiko. Ŝia vizito, la unua de serio da vizitoj de altrangaj ŝtatoficistoj antaŭ la vojaĝo de la prezidento Barack Obama, antaŭvidita mezaprile, havas kiel objektivon resanigi la vundojn en la malbonaj rilatoj inter ambaŭ landoj, kiuj dividas 3000 kilometrojn da landlimo.

SALVADORO - 16-an de marto, 2009.

Eksa ribelulo postulas venkon en la landa prezidentelekto de Salvadoro. Ĝojegaj subtenantoj de la "Fronto de Nacia Liberiĝo Farabundo Marti"  (FMLN) elverŝiĝis en la stratojn de la ĉefurbo San Salvadoro frumatene lundon, post kiam Mauricio Funes, la FMLN-gvidanto, deklaris, ke li gajnis. "Ĉi tio estas la plej feliĉa nokto de mia vivo, kaj mi deziras, ke ĝi estu la nokto de la plej granda espero por Salvadoro," Funes diris.