Mezoriento : lasttempaj artikoloj
- Ĉu ŝtonmortigo en Irano ?
- Sauda aresto pro terorista komploto
- Cisjordanio denove hermetikigita de Israelo
- Unuaj postbalotaj rezultoj aperas en Irako
- Mortis plej grava islama kleriko de Egiptio
- Ahmadineĵad vizitas Afganion
- Mallonge el Mezoriento...
- Voĉdonkalkulado ekkomenciĝas en Irako
- Malario kaj malfortaj ostoj eble mortigis Tutanĥamonon
- Israelaj restriktoj igas vivon "ekstreme malfacila" por Palestinanoj
La mondo en bildoj
|
www.flickr.com
|
| Klaku.net | Via demokratia amaskomunikilo |
|
| UN avertas, ke blokado minacas sanon de Gazaanoj |  |
 |
| Mezoriento - Socio |
  PALESTINO - 20-an de januaro, 2010.
La blokado de la Gaza-Strio metas la sanon de la loĝantaro en gravan minacon, la Unuiĝintaj Nacioj kaj helpogrupoj avertis. Kuracaj instalaĵoj kaj ekipaĵoj estas en ege malbona stato, multaj difektitaj dum la israela milita operaco antaŭ unu jaro ne estas rekonstruataj, ili diris. Israelo kaj Egiptio ambaŭ blokas eniron de preskaŭ ĉiuj bazaj humanitaraj provizaĵoj, por malhelpi Hamason pafi raketojn al Israelo, ili diris.
UN-agentejoj kaj la Asocio de Agentejoj por Internacia Evoluado (angle AIDA), kiu reprezentas pli ol 80 humanitaraj organizaĵoj, diris, ke la israelaj restriktoj "malhelpas la funkciadon de la sanzorga sistemo kaj metas en danĝeron la sanon de 1,4 miliono da homoj en Gazao". Max Gaylard, la humanitara kunordiganto de UN en Gazao, diris, ke la blokado malhelpas la havigon de kuracaj  provizoj kaj la trejnadon de sanopersonaro. Li diris, ke ĝi ankaŭ "malhelpas al pacientoj kun gravaj kuracaj kondiĉoj ricevi ĝustatempan specialan trakton ekster Gazao". Iuj traktoj, kiel kompleksa koroperacio kaj trakto por iuj specoj de kancero, estas malhaveblaj en Gazao.La agentejoj reliefigas kiel ekzemplon la kazon de 19-jara junulino, Fidaa Talal Hiĝĝi, kiu mortis dum ŝi atendis permeson forlasi Gazaon por ostmedola transplanto, kiun ŝi bezonis por trakti Hodgkin-an malsanon. Ili diris, ke ŝi petis tiun permeson tri fojojn al hospitaloj en Israelo, sed ĉiufoje la israelaj respondeculoj ne respondis ĝustatempe kaj ŝi maltrafis la permeson. Ŝia peto estis aprobita ĝuste la tagon post kiam ŝi mortis, la 11-an de novembro. La Monda Organizo pri Sano (MOS) diras, ke 88 homoj mortis dum ili atendis elirpermeson ekde novembro 2007. 20% de havendaj kuraciloj estis tute elvenditaj en Gazao jam inter marto kaj novembro 2009, laŭ ciferoj de MOS. Israelo permesas eniron de plejparto de medikamentoj en Gazaon, sed estas problemoj pri la loĝistika ĉeno. Plejparto de Gazaanoj ne ricevas permeson forlasi la teritorion, kaj la agentejoj ankaŭ diris, ke la kuraca personaron tie ĝenerale ne povas vojaĝi el Gazao por ĝisdatigi sian kompetentecon. 15 hospitaloj kaj 43 kuracistejoj estis difektitaj aŭ detruitaj dum la israela operacio en Gazao antaŭ unu jaro, kaj la plimulto ne estis rekonstruita ĉar konstru-materialoj ne estas enpermesitaj, la agentejoj diris. La israelaj respondeculoj ankoraŭ ne respondis al la helpalvoko de la agentejoj. Tamen, en la pasinteco, Israelo diris, ke vasta sekureca kribro necesas por pacientoj kiuj deziras eliri el la Gaza-Strio, ĉar oni eltrovis, ke tri homoj kun permeso forveturi pro kuracaj kialoj fakte projektis atakojn en Israelo. Israelo ankaŭ diris, ke ĝi proponis faciligi trairejon tra Israelo al Jordanio por pacientoj el la Strio, al kiuj ĝi rifuzas permeson pro sekurecaj kialoj. Israelo diris, ke la 22- taga militista operaco, kiu komenciĝis je la 27 de decembro 2008, celis halti raketpafadon fare de palestinaj batalantoj al Israelo. Ĝi pravigas la preskaŭ totalan enirmalpermeson de konstru-materialoj kiel cemento en Gazaon, ĉar ili povus esti uzitaj por konstrui raketojn, lanĉplatformojn aŭ armilojn el kontrabandtuneloj. Israelo striktigis sian blokadon de la Gaza-Strio en junio 2007, post kiam Hamaso forpelis la fortojn de sia plej nereligia rivalo Fatah, kiun la Islama movado venkis en balotadoj la antaŭan jaron. |
