GREKIO - 4-an de majo, 2008.

Santorino (greke : Σαντορίνη, Santorini) la Egea Insulo, fariĝis unu el la plej gravaj turistaj cellokoj, kaj estos proponita por enskribo sur la Listo de la Mondaj Kulturheredaĵoj de la UNESKO. La Greka ministro pri Turismo, Aris Spiliotopoulos, anoncis je la 24-a de aprilo, la deziron de sia lando, ke la insulo Santorino estu registrata sur la listo de UNESKO.

PORTUGALIO - 3-an de majo, 2008.

Dum Brazilo fariĝas ĉiam pli grava lando sur la internacia scenejo kaj Portugalio, sia eksa kolonianto, spertas relativan malfortiĝon, projekto de normigado de la Portugala lingvo rekomendas ŝanĝon en la ortografio de centoj da vortoj kiuj prenos la Brazilan ortografion. La Portugala registaro aprobas ĉi tiun reformon, kiun la nacia parlamento devas pridiskuti je la 15-a de majo.

Jimmy Wales, kunkreinto de la fama retenciklopedio jam en 2005 imagis la eblecon eldonaĵigi paperan version de Wikipedia. La Germana amaskomunikila grupo Bertelsmann informis, ke tiu ebleco realiĝos per ekkomenco de la printo de la Germana versio de Wikipedia.

BRITIO ( ANGLIO) - 28-an de aprilo, 2008.

Arkeologoj kiuj faras elfosaĵon ĉe Stonehenge en suda Anglio diras, ke ili trarompis tavolon, kiu povus fine klarigi kial la ejo estis konstruita. La teamo atingis ingojn kiuj iam entenis pli malgrandajn ŝtonojn, plejparte nun perditaj aŭ elradikigitaj, kiuj formis la originalan strukturon. La esploristoj kredas, ke la ŝtonoj povus riveli la iaman resanigan karakteron de la fama loko Stonehenge.