BIRMO - 24-an de majo, 2008.

La Birma pinta gvidanto fine konsentas enlasi ĉiujn fremdajn humanitaristoj nen la landon por help- kaj savlaboroj en ciklonofrapitaj lokoj, raportas la estro de la Unuiĝintaj Nacioj Ban Kimoon. Post intertraktoj en la nova Birma izolita ĉefurbo, Nay Pyi Daw, kun la Generalo Than Shwe, Sro Ban diris, ke la decido fine estis farita.

ĈINIO - 15-an de majo, 2008.

Pli ol 50 000 homoj eble mortis pro la tertremo kiu ruinigis partojn de Ĉinio antaŭ du tagoj, ŝtataj amaskomunikiloj diras. La anonco venas post kiam la registaro konfirmis, ke la nombro de mortintoj oficiale atingas 19 500, kaj certe plialtiĝos. Savteamoj ankoraŭ penas kaj serĉas milojn da viktimoj. Proksimume 10 milionoj da homoj trans la provinco Sichuan estis rekte trafitaj de la tertremo de forto 7.9, laŭ amaskomunikiloj. Ĉinio mobilizas 30 000 ekstrajn trupojn en Sichuan por helpi la 50 000 soldatojn kiuj jam okupiĝas pri savoperacoj. Pekino diras, ke ĝi akceptos fremdan helpon kaj konsentas ricevi savteamojn de Japanio kaj eĉ de sia rivalo Tajvano.

BIRMO - 13-an de majo, 2008.

La Birma militista registaro asertis, ke ĝi ankoraŭ kontraŭas la envenon de fremdaj humanitaristoj en la landon por helpi la multajn viktimojn de la ciklono Nargis. La vicadmiralo Soe Thein de la militista gvidantaro diris, ke Birmo estas dankema pro la helpliveraĵo de Usono kiu alvenis lundon. Sed li diris, ke ĝis nun ne necesas helpo de humanitaristoj.

ĈINIO - 13-an de majo, 2008.

La plej potenca tertremo de la lastaj 30 jaroj frapis Ĉinion kaj mortigis almenaŭ 10 000 homojn en sudokcidenta Sichuan provinco. Ĉinaj ŝtataj komunikiloj diris, ke 10 000 homoj estis ŝajne subterigitaj en urbo apud la epicentro de la tertremo en Wenchuan Gubernio. Teamo de 1 300 soldatoj kaj sukuristoj ĵus atingis la regionon de Wenchuan, kiu estis plejparte detruita de la tertremo.