AŬSTRALIO - 20-an de julio, 2008.

La Papo alvokis al junuloj eviti la "spiritan dezerton" kiu laŭ li disvastiĝas tutmonden, fine de sia vizito al Aŭstralio. La Papo Benedikto la 16-a diris al amaso de proksimume 200 000 homoj ĉe la Mondaj Tagoj de la Junularo de la Katolika Eklezio, ke ili konstruu novan epokon sen avareco.

AŬSTRALIO - 13-an de julio, 2008.

La Papo Benedikto la 16-a komencis naŭtagan viziton al Aŭstralio, kie li pardonpetos pro jardekoj de seksa molestado de infanoj fare de pastroj. Ĉe la komenco de sia ĝisnuna plej longa vizito eksterlanden, li diris, ke pedofilio estas "neakordigebla" kun pastreco. La aŭstraliaj viktimoj de fitrakto diris, ke ili okazigos protestojn dum lia vizito.

/ NOV-ZELANDO - 29-an de junio, 2008.

Estas historia subskribo : sep maoriaj triboj subskribis, merkredon 25-an de junio, traktaton per kiu la novzelanda registaro proponas al ili teritorian kompenson kiel riparon de agoj de perforto faritaj de la Eŭropanoj dum la koloniiĝo de la lando, en la 19-a jarcento. Ĉi tiu interkonsento respondas al postuloj de la aŭtoktonaj loĝantoj de pli ol unu jarcento.

AŬSTRALIO - 21-an de junio, 2008.

Aborigenaj gvidantoj minacas malpermesi aliron de turistoj al unu el la Aŭstraliaj pintaj historiaj lokoj, proteste kontraŭ kion ili nomas rasisman registaran politikon. La averto pri Uluru, ankaŭ nomata Ayers Rock, okazas unu jaron post kiam policistoj kaj soldatoj estis senditaj en indiĝenaj kolonioj por provi pritrakti altajn indicojn de infana seksa molestado.