AŬSTRALIO - 19-an de septembro, 2009.

La aŭstralia parlamento ĵus komencis lanĉi interesajn debatojn, cele a ŝanĝi la landaj polemikaj testoj por civitaneco. La registaro volas igi kandidatojn pli konsciaj pri iliaj rajtoj kaj respondecoj prefere ol esplori ĝeneralan konon de sporto kaj kulturo. La testoj estas kritikitja de grupoj de kampanjantoj por rajtoj kiel diskriminaciaj kontraŭ migrintoj de neanglalingvaj landoj.

Ili estis enkondukitaj de la eksa konservativa administro. La aktuala aŭstralia registaro volas igi tiujn testojn pli rilataj al ĉiutaga vivo, por helpi al eventualaj civitanoj sin instali en normalan vivon en ilia adoptita lando. En la ĉefurbo Kanbero, la parlamento estas debatanta pri tiuj ŝanĝoj de la leĝo, kiuj vidus ĝisdatigitajn demandojn pri seksegaleco, deviga voĉdonado kaj aŭstralia justico.

La ministro pri Enmigrado, Chris Evans, kiu naskiĝis en Britio, diris, ke la ŝanĝoj helpos al migrintoj pli bone kompreni siajn respondecojn en la komunumo. Sro Evans kredas, ke partoj de la aktuala testo kiel kvizoj pri famaj kriketistoj, biliardludistoj kaj esploristoj estas tute senrilataj kaj senutilaj. Kritikantoj insistas, ke la tuta ŝanĝprocezo estas nur malŝparo de mono, kaj neniel helpos al novuloj integriĝi en socion kaj diskriminacias tiujn el neanglalingvaj landoj.

Migrintoj devas fari la polemikan ekzamenon por fariĝi aŭstraliaj civitanoj. Laŭ la proponitaj ŝanĝoj, tiuj kiuj elfaros la teston devos respondi al 20 demandoj. Aŭstralio estas festanta sian Nacian Civitanecan Tagon kaj honore de la okazintaĵo 4000 homoj faras ĵuron kiel novaj Aŭstralianoj.