AŬSTRALIO - 13-an de julio, 2008.

La Papo Benedikto la 16-a komencis naŭtagan viziton al Aŭstralio, kie li pardonpetos pro jardekoj de seksa molestado de infanoj fare de pastroj. Ĉe la komenco de sia ĝisnuna plej longa vizito eksterlanden, li diris, ke pedofilio estas "neakordigebla" kun pastreco. La aŭstraliaj viktimoj de fitrakto diris, ke ili okazigos protestojn dum lia vizito.

Klimata ŝanĝiĝo ankaŭ estos eminenta temo ĉe grava Katolika junularo festo, la "Mondaj Tagoj de la Junularo", kiujn la Papo ĉeestos en Sidnejo. La evento altiros proksimume 200 000 junaj Katolikoj al la urbo. Sed la sestaga okazaĵo estas flankenpuŝita de la lanĉo de enketo pri akuzoj de seksa molestado. La gvidanto de la aŭstraliaj Katolikoj, la kardinalo George Pell, estas severe kritikata pro lia pritrakto de la kazo okazinta en 1982 pri  la supoza seksa molestado de 29-jara viro fare de pastro.

"La Eklezio nepre repaciĝu, helpu, kaj vidu sian kulpon en ĉi tiu problemo," la Papo Benedikto diris al reporteroj dum sia longa flugo al Sidnejo. Dum sia vizito, la Papo ankaŭ renkontos indiĝenajn australianojn, kaj verŝajne ripetos pardonpeton faritan de la antaŭa Papo Johano Paŭlo la Dua al Aŭstralia indiĝena gento por maljustaĵoj faritaj de Katolikaj misiistoj.