| Pacifiko - Natura medio |
  AŬSTRALIO - 06-an de marto, 2010.
Avertoj pri cunamoj en Aŭstralio devas esti reviziitaj post kiam miloj de plaĝovizitantoj neglektis atentigojn, sekve de la intensega tertremo de Ĉilio. Savnaĝistoj devis peni por malpleni plaĝojn en Kvinslando kaj Novsudkimrio, ĉar loĝantoj kaj vizitantoj aŭ revenis al la akvo aŭ venis malsupren por rigardi la cunamon alveni.
|
|
| Pacifiko - Natura medio |
  NOV-ZELANDO - 26-an de novembro, 2009.
Averto estas publikigita al ŝipoj en la suda Pacifika oceano post kiam pli ol 100 glacimontoj estis ekviditaj drivantaj al Nov-Zelando. La glacimontoj, el kiuj kelkaj estas 200 metrojn altaj, estis kredeble rompitaj de Antarkta glaciplato. Multaj sciencistoj kredas, ke ĉi tiuj segmentoj disrompiĝos longe antaŭ ol atingi la novzelandan marbordon.
|
| Pacifiko - Natura medio |
  PALAŬO - 29-an de septembro, 2009.
Palaŭo estas kreonta la tutmondan unuan "ŝarkorifuĝejon", kiu malpermesos ĉian komercan ŝarkokaptadon en siaj maroj. La prezidento de la eta Pacifika respubliko, Johnson Toribiong, anoncis la malpermeson dum vendreda seanco de la UN-Ĝenerala Asembleo. Dum duono de la mondaj oceanaj ŝarkoj estas minacataj de malapero, ekologiistoj rigardas la decidon kiel " ludoŝanĝon".
|
| Pacifiko - Natura medio |
AŬSTRALIO - 23-an de septembro, 2009.
Grandega parto de la aŭstralia orienta marbordo, inter alie la plej granda urbo Sidnejo, estas vualita de ruĝa polvo alblovinta de la dezerto fora. Videbleco en Sidnejo estis tiom malbona, ke flugoj estis deturnitaj kaj la trafiko de pramŝipoj en la haveno interrompita. Gravaj monumentoj kiel la Operejo estis ne plu videblaj, kaj multaj loĝantoj devis eliri kun maskoj.
|
| Pacifiko - Natura medio |
  TUVALO - 20-an de julio, 2009.
La eta insula ŝtato Tuvalo en la Pacifiko anoncis, ke ĝi volas venigi ĉiun sian energion de renovigeblaj fontoj antaŭ 2020. La ministro pri Publikaj Servoj Kausea Natano diris, ke sia lando de 12 000 homoj iĝos tiele ekzemplo por aliaj. Tuvalon konsistigas sinsekvo da atoloj kun la plej alta punkto sole 4,5 metrojn super la marnivelo, igante ĝin ekstreme senŝirma kontraŭ inundiĝo.
|
|
|
Pli multe da artikoloj...
|
<< Komenco < Antaŭa 1 2 3 Sekva > Fino >>
|
| JPAGE_CURRENT_OF_TOTAL |
