UNUIĜINTAJ ARABAJ EMIRLANDOJ - 11-an de februaro, 2008.

Abu-Dabio ekkomencas konstrui la mondan unuan senkarbonan kaj senaŭtan urbon. La urbo Masdar kostos 22 miliardojn da Usonaj dolaroj, la konstruado daŭros ok jarojn kaj la urbo finita estos hejmo de 50 000 homoj kaj 1500 entreprenoj. La urbo estos plejparte funkciigata de sunenergio kaj la loĝantoj vojaĝos ene de la urbo per malgrandaj ŝelformaj veturiloj funkciantaj sur magnetaj vojetoj.

Sed multaj timas, ke Masdar, en la ĉirkaŭaĵo de la urbo Abu-Dabio, povus fariĝi nur luksa loĝloko por riĉuloj. La projekto estas aprobita de tutmonda bonfaradorganizaĵo WWF. La urbo utiligos tradician Golfan arkitekturon, konstruos malaltenergiajn konstruaĵojn, kun turoj proviziantaj naturan ventklimatizon. Akvo estos provizita per sunenergia sensaliga fabrikejo.

La urbo bezonos nur kvaronon de la potenco postulita por simila granda komunumo, dum la akvokvanto bezonata estos 60% pli malalta. La urbo formas parton de ambicia programo por evoluigi purajn energiteknologiojn. Kiel parto de la plano, Abu-Dabio fariĝos hejmo de la plej granda hidrogena elektrocentralo en la mondo.