| Mezoriento - Politiko |
  PALESTINO - 11-an de novembro, 2009.
La palestina gvidanto Mahmud Abbas ripetis la neceson de klara kadro por interpacigaj diskutoj, inter kiuj estas la tuja ĉesado de israela koloniokonstruo, en parolado markanta la kvinan datrevenon de la morto de sia antaŭulo Jaser Arafat.
Parolante al la subtenantoj de sia partio Fatah en Ramallah okaze de la kvina mortodatreveno de sia antaŭulo Jaser Arafat, Sinjoro Abbas diris, ke la rezolucioj de la Unuiĝintaj Nacioj alvokas al estigo de "klara kadro" por ĉesi pli ol 60 jaroj da konflikto. "Ni ne povas iri al intertraktadoj sen kadro. Kaj ni diras, ke la kadro estas tiuj rezolucioj de la UN, kiu signifas revenon al la landlimoj de 1967," Abbas diris. "Kio novas en ĉi tiu postulo ? Ankaŭ ni deziras finpunkton al kolonioj, interalie naturan kreskon kaj en Jerusalemo," la palestina gvidanto diris.
Mahmud Abbas diris al la amaso, ke li ne serĉos duan mandaton kiel prezidento en la balotado de januaro. "Je ĉi tiu okazo, mi ne volas paroli denove pri mia deziro ne kandidatiĝi en la okazontaj balotadoj," Abbas diris. Li akuzis Israelon, ke tiu landi provas malhelpi la internacie legitimitan "duŝtatan solvon" por la kreo de palestina ŝtato apud Israelo.
|
