| Mezoriento - Politiko |
  PALESTINO - 04-an de novembro, 2009.
Palestinanoj eble devos forlasi sian celon de sendependa ŝtato, se Israelo ankoraŭ plu vastigas Judajn koloniojn, la ĉefo de palestinaj intertraktantoj deklaras. Saeb Erekat diras, ke estas "decidiga momento" por la prezidento Mahmud Abbas kaj la palestina gvidantaro. Li aldonas, ke nun estas tempo por Sro Abbas "vere diri, ke duŝtata solvo jam ne estas elekto".
Sed Israelo malakceptas unuŝtatan solvon ĉar tia solvo estus demografia tempobombo kiu igus Judojn malplimulto en sia lando. La Palestinanoj insistas, ke ili ne povas ekstarti interpacigajn diskutojn krom se Israelo tuj haltas konstruadon de kolonioj.La usona sekretariino pri Eksterlandaj Aferoj Hillary Clinton, dum vizito al la egipta ĉefurbo Kairo, ripetis la vaŝingtonan alvokon al ĉesigo de israela koloniado en Cisjordanio. Sed, provante restartigi intertraktojn, ŝi alsdonis: "Eklanĉi intertraktadojn pri la fina statuso permesos al ni ĉesigi tiun koloniadon."
Laŭ Sro Erekat, Palestinanoj faris eraron en la pasinteco kiam ili konsentis intertrakti kun Israelo sen insisti pri tio, ke la konstruado de kolonioj estu haltita. Li sugestas, ke la prezidento Abbas eble ne volos reelektiĝi se la duŝtata solvo jam ne eblas...
|
