Tutmonde : lasttempaj artikoloj
- Propono por malpermesi internacian komercon de ruĝa tinuso malakceptita
- Plej riĉa homo en la mondo estas meksika
- Dinosaŭrmanĝanta serpento eltrovita
- Islama klerulo publikigas fatvon kontraŭ terorismo
- Stelo manĝas sian planedon !
- Tigro pli antikva specio ol oni antaŭe kredis
- Koloroj de dinosaŭroj rivelitaj...
- 2009, plej malbona jaro por flugkompanioj
- Google festas la Zamenhof-tagon !
- Trinki kafon kaj teon povus malhelpi diabeton
La mondo en bildoj
|
www.flickr.com
|
| Klaku.net | Via demokratia amaskomunikilo |
|
| Manĝaĵoproduktado devas altiĝi, UN avertas |  |
 |
| Tutmonde |
  ITALIO - 16-an de novembro, 2009.
Mondaj gvidantoj devas fari "gravajn ŝanĝojn" por malhelpi pliigon de tutmonda malsato, la Ĝenerala Sekretario de Unuiĝintaj Nacioj, Ban Ki-moon, deklaris. Sro Ban estis parolanta je la komenco de la konferenco de UN en Romo, kies celo estos stabiligo de manĝaĵoprezoj. La tutmonda pintokunveno pri nutraĵa sekureco okazas unu jaron post gravaj altiĝoj de manĝaĵoprezoj kiuj kaŭzis ĥaoson tra la tuta mondo.
La UN anoncas, ke unu miliardo da homoj jam malsatas kaj manĝaĵoproduktado devas pliigi por nutri kreskantan loĝantaron. "La hodiaŭa manĝaĵokrizo vekas elrevigon morgaŭan," diris Sro Ban. "En 2050, nia planedo povus esti la hejmo de 9,1 miliardoj da homoj. En 2050 ni scias, ke ni devos kreski je 70% la kvanton da manĝaĵo, tamen la planeda klimato fariĝas pli ekstrema kaj pli neantaŭvidebla," li diris. "Ni devas enkonduki gravajn ŝanĝojn por nutri nin, kaj precipe por sekurigi la plej malriĉajn kaj senŝirmajn el ni."  Kritikantoj diras, ke la pintokunveno ne fiksas ambiciajn celojn kaj atentigas, ke gvidantoj de la plej riĉaj landoj ne ĉeestos. La itala ĉefministro Silvio Berlusconi estas la sola partoprenanta gvidanto de unu el la G8 eminentaj industriaj landoj, kaj eble pro tio, ke la pintokunveno okazas en sia lando mem. La Papo Benedikto la 16-a ankaŭ estos inter la delegitoj. Francisco Sarmento, de la kampanjogrupo ActionAid, diris al AFP, ke la malĉeestos de aliaj G8-gvidantoj "montras, ke ili ne estas seriozaj por provi trovi tutmondajn solvojn al malsato". La gvidantoj ĉeestantaj la pintokunvenon provos koncentriĝi pri la sekvoj de la masiva altiĝo de manĝaĵoprezoj pasintjara, kiu frapis la plej malriĉajn homojn de la mondo. La kunveno ankaŭ instigos malriĉajn landojn fini ilian dependecon de nutraĵa asisto kaj produkti sufiĉe por nutri siajn proprajn loĝantojn. La Organizaĵo pri Nutrado kaj Agrikulturo de la UN avertis, ke se oni ne utiligas pli da lando por manĝaĵoproduktado nun, 370 milionoj da homoj certe alfrontos malsategon en 2050. Sro Ban kaj la Organizaĵo kies estro estas Jacques Diouf, ambaŭ faris simbolan unutagan faston prepare por la pintokunveno. Sro Diouf diris, ke la "silenta malsatokrizo, kiu tuŝas sesonon de la homaro, prezentas gravan riskon por monda paco kaj sekureco". En rimarkoj antaŭ la pintokunveno, li diris, ke la gvidantoj "urĝe forĝu larĝan interkonsentiĝon pri la totala kaj rapida elimino de malsato en la mondo". |
