RUMANIO / UKRAINIO - 28-an de julio, 2008.

Severaj ŝtormoj kaj inundoj en Ukrainio kaj Rumanio mortigis almenaŭ 18 homoj. Kvin tagoj de pluvegado en la ukrainiaj Karpataj Montoj mortigis 13 homojn, interalie kvin infanojn. Almenaŭ du personoj ankaŭ forestas. La inundoj difektis pli ol 21 000 domojn, proparolanto de ministerio diris en komunikaĵo. La registaro evakuis pli ol 7 000 homoj kaj pli ol 300 urboj kaj vilaĝoj restas sen elektro.

GREKIO - 26-an de julio, 2008.

Pli ol 2000 turistoj estas evakuataj pro arbaraj incendioj en la greka insulo Rodiso. Respondeculoj en Grekio anoncas, ke turistoj revenos kiam la fumo malaperos. Dum la kvar lastaj tagoj, la fajrego detruis milojn da hektaroj da pinarbaro. Alia incendio norde de Ateno estas jam sub kontrolo de la fajrestingistoj.

FRANCIO - 21-an de julio, 2008.

Inspektoroj pri nuklea energio en Francio kontrolas radioaktivan likon en la centralo de Romans sur Isère, la duan atoman likadon en dek tagoj. La fabrikejo en la sudoriento de la lando faras uraniajn produktojn por elektrocentraloj kaj esplorreaktoroj. Ĝi apartenas al la grandega grupo Areva, la franca atoma giganto respondeca pri la unua likaĵo.

FRANCIO - 12-an de junio, 2008.

La abelovartistoj en la oriento de Francio staras en alarmo. Ekde la komenco de majo, ili observas gravajn senpopoliĝojn de siaj abelejoj, la sudo de la regiono Alzaco estas plej tuŝita. "La laborabeloj foriras el la abelejo sed ne revenas kaj la abelejo fine kadukiĝas", rimarkas Daniel Limon, prezidanto de la laborsindikato de la profesiaj abelvartistoj de regionoj Alzaco, Loreno kaj Ĉampanjo.