Azio : lasttempaj artikoloj
- Grava sanzorga krizo en Nordkoreio
- Singapuro : plej rapide kreskanta ekonomio de la mondo
- Nul-ellasa aǔto en la ĝardeno de SME
- Vojaĝo en la ĝardeno de SME...
- Denove forta tertremo frapas Ĉinion
- Pjongjango ekzekutas la respondeculon de la mon-reformo
- Japana firmao kreas novan specon de "spiona" poŝtelefono
- Barataj deputitoj voĉdonas favore al virinoj en parlamento
- Google : interreta cenzuro en Ĉinio estas 'komerca afero'
- Ĉinio emisiis obligaciojn
La mondo en bildoj
|
www.flickr.com
|
| Klaku.net | Via demokratia amaskomunikilo |
|
| Nordkoreio solenas la naskotagon de sia gvidanto |  |
 |
| Azio - Politiko |
  NORDKOREIO - 16-an de februaro, 2010.
Nordkoreio okazigas festojn celebrantajn la naskotagon de sia gvidanto, Kim Jong-il, kiu kune kun la militistaro, firme tenas la landon. Respondeculoj laŭdis Sron Kim kaj la tutan gvidantaron, sed kontraste kun la pasintjara malcedema lingvaĵo, ili ankaŭ alvokis al dialogo kun la Okcidento. La festoj okazas dum diplomata klopodo ankoraŭ provas rekomenci multlandajn intertraktojn kun Nordkoreio pri la ĉesigo de la atoma programo.
La naskotago de la gvidanto, unu el la plej gravaj publikaj ferioj de Nordkoreio estis okazo montri spektaklojn, kiel sinkronan naĝadon, florofestojn kaj donacojn de sukeraĵoj al infanoj. Poeziaj recitaloj ankaŭ okazis ĉe Sro Kim-a oficiala naskiĝloko, kvankam li ne ĉeestis iujn ajn el la eventoj. Respondeculoj kunvenis por laŭdi Sron Kim kiel "senegale brilega homo", diras raportoj, sed la kutimaj akraj kondamnoj al la okcidentaj landoj ne aŭdiĝis. Male, la sinkaŝema ŝtata vicgvidanto, Kim Yong-Nam, emfazis la  neceson fini malamikajn rilatojn kun Usono "tra dialogo kaj intertraktadoj". Supozeble 68-jara, Sro Kim ne perdis la kapablon ŝoki kaj provoki. En la pasinta jaro, Nordkoreio lanĉis longdistancan testmisilon, kaj faris subterajn atomajn testojn. Sed tiu pasinta jaro povus ankaŭ vidiĝi kiel jaro de gravaj taktikaj eraroj, ĉar la testoj rezultis je pli forta embargode UN , kiu sin apogas sur la malnova alianculo, Ĉinio. Ĉinio, Usono, Rusio, Japanio kaj Sudkoreio forte deziras, ke Nordkoreio ree aliĝu al sespartiaj kunvenoj pri kiel ĉesigi la nordajn atomajn programojn. Retakso de la landa valuto antaŭ du monatoj ankaŭ ĵetis la ekonomion en ĥaoson, alportante inflacion kaj plimalboniĝon de ekzistanta manĝaĵonesufiĉoj. En Sudkoreio, proksimume 100 transfuĝintoj el la Nordo kaj aliaj aktivuloj kriegis "Falu diktatoro Kim Jong-Il" kiel ili enaerigis grandegajn balonojn portantajn 20 000 flugfoliojn sude de la multe fortikigita landlimo. La balonoj ankaŭ portis 30 malgrandajn radioricevilojn por helpi kaj persvadi Nordkoreanojn aŭskulti kontraŭnordkoreajn elsendojn el la Sudo. La pakoj de flugfolioj enhavas unu dolaron, kaj instigas al Nordkoreanoj preni ilin malgraŭ la risko de puno. "Nia kampanjo diros al niaj nordaj fratoj, ke Kim Jong-il ne estas idolo sed diktatoro kiu forprenas ilian liberecon," diras Park Sang-Hak, kiu estras grupon de transfuĝintoj el la Nordo. Nordkoreio ofte plendis pri tiela flugfolio faligo sed la Sudo diras, ke ĝi ne havas leĝojn kontraŭ tia agoj. Sro Kim, kiel lia patro Kim Il-sung antaŭ li, daŭrigis grandegan personecan kulton ĉirkaŭ sia gvidado - eĉ lia naskiĝjaro kaj naskiĝloko restas neklaraj. Oficialaj kontoj diras, ke li naskiĝis la 16-an de februaro 1942, sur la Monto Paektu, sankta loko por Koreanoj. Multaj analizistoj kredas, ke li efektive naskiĝis en Siberio, kie lia patro estis en ekzilo. Iuj metas lian naskiĝjaron en 1941. |
