Azio : lasttempaj artikoloj
- Grava sanzorga krizo en Nordkoreio
- Singapuro : plej rapide kreskanta ekonomio de la mondo
- Nul-ellasa aǔto en la ĝardeno de SME
- Vojaĝo en la ĝardeno de SME...
- Denove forta tertremo frapas Ĉinion
- Pjongjango ekzekutas la respondeculon de la mon-reformo
- Japana firmao kreas novan specon de "spiona" poŝtelefono
- Barataj deputitoj voĉdonas favore al virinoj en parlamento
- Google : interreta cenzuro en Ĉinio estas 'komerca afero'
- Ĉinio emisiis obligaciojn
La mondo en bildoj
|
www.flickr.com
|
| Klaku.net | Via demokratia amaskomunikilo |
|
| Maoistoj protestas en Katmanduo |  |
 |
| Azio - Politiko |
  NEPALO - 12-an de novembro, 2009.
Miloj da maoistaj aktivuloj manifestaciis en la nepala ĉefurbo, Katmanduo, por protesti kontraŭ la registara koalicio. Skandante sloganojn kaj salutante per ruĝaj flagoj, manifestaciantoj ĉirkaŭis la ĉefan registaran komplekson kaj blokis ĉiujn enirejojn de la loko. Forte armitaj kontraŭtumultaj policistoj estis deplojitaj meze de Katmanduo.
La Maoistoj diris, ke ili deziras debaton en parlamento pri la etendo de prezidentaj potencoj. Ili aperis kiel la plej granda partio en nepala balotado pasintjare, sed diras, ke la prezidento Ram Baran Yadav agis malkonstitucie kiam li malakceptis ilian decidon maldungi la armean ĉefon pli frue ĉi-jare.  La Maoistoj akuzis la estron de la armeo, ke li kontraŭis la integrigon de miloj da siatempaj maoistaj ribeluloj en la nacian armeon. La prezidenta decido malakcepti la maldungon estigis la disfalon en majo de la registaro gvidata de Maoistoj. La protestoj kaŭzis trafikan ĥaoson tra la tuta urbo Katmanduo kaj antaŭvideble plu daŭros morgaŭ vendredon. La manifestaciantoj blokis la enirejojn al la ĉefa registara komplekso. Ili kriegis sloganojn kiel "Falu la marionetan registaron" kaj salutis per flagoj. "Nepalo eble fariĝis respubliko, sed ni ankoraŭ ne atingis veran regadon fare de la popolo," manifestacianto Shanchalal Waiba diris al la AFP novaĵagentejo. "Ĉi tiu protesto povus alporti malfacilaĵojn al la homoj laŭ mallongatempa perspektivo, sed laŭ longatempa perspektivo ĝi alportos pli bonan estontecon." Korespondantoj diras, ke la ĝenerala humoro ĉe la protesto estas festa kaj ne estas bataloj inter polico kaj manifestaciantoj. La Maoistoj diras, ke ili daŭros siajn protestojn ĝis iliaj postuloj estos plenumitaj. La koalicia registaro petis al la Maoistoj malokazigi iliajn protestojn. Ĝi rifuzis diskuti pri la postuloj, argumentante, ke la afero jam estas solvita. |
