MADAGASKARO - 20-an de marto, 2009.

La Afrika Unio (AU) interrompis la membrecon de Madagaskaro pro la puĉo subtenata de la nacia armeo kiu donis potencon al Andry Rajoelina, la eksa opoziciestro. Aldoninte sian voĉon al la kreskanta internacia kondamno, la AU vendredon deklaris, ke la preno de potenco fare de Rajoelina estas "malkonstitucia".

Rajoelina, kiudeklaris sin kiel la nova estro de la transira aŭtoritato post kiam Marc Ravalomanana estis devigita eksiĝi, jam altiras al si kritikon el Usono, Francio, Germanio kaj la Erŭopa Unio. Bruno Ne Zidouemba, la prezidanto de la Konsilio por Paco kaj Sekureco de la Afrika Unio, diris, ke "tio, kio okazis en Madagaskaro eniras la difinon de malkonstitucia ŝanĝo de registaro". "La Konsilio tiam decidis interrompi la partoprenon de Madagaskaro al organoj de la AU," li diris.

Malgraŭ la kritikoj, madagaskaraj tribunaloj kaj armeo legitimis Sron Rajoelina, kiu forpelis Ravalomanana-n el la prezidenteco mardon post sepsemajna kampanjo de strataj protestoj. Dum la unua tago de sia mandato, la 34-jara Rajoelina dissolvis la senaton kaj nacian asembleon sen opozicio. Post la perdo de regado super la registaro kaj la armeo, Ravalomanana, 59-jaraĝa, forlasis potencon kaj transdonis ĝin al militista administro, kiu laŭvice transpasis ĝin al Rajoelina. La madagaskara konstitucia tribunalo merkredon juĝis, ke la duobla translokigo estas laŭleĝa kaj, ke Rajoelina estas la laŭrajta provizora gvidanto. La provizora gvidanto promesis malsupreniri manĝaĵajn prezojn sur la insulo, kie tri kvaronoj de la loĝantaro vivtenas sin per malpli ol 2 doraloj tage.

Legu ankaŭ pri Madagaskaro :

• "Soldatoj enmarŝas en prezidentan palacon" (17/03/2009)
• "Plu daŭras streĉa situacio en Madagaskaro" (12/03/2009)