EGIPTIO / RUSIO - 28-an de marto, 2008.

Rusio kaj Egiptio ĵus subskribis akordon kiu malfermas la vojon por Rusaj kompanioj konstruadi Egiptian atomenergian industrion. La interkonsento estis atingita dum intertraktoj en Moskvo inter la Egipta Prezidento Hosni Mubarak kaj la Rusa Prezidento Vladimir Putin mardon 25-an de marto. "Egiptio, kunlabore kun siaj internaciaj partneroj kaj la Internacia Organizo pri Atoma Energio, evoluigos ĉi tiun sektoron, ankaŭ dank'al la interkonsento ĵus subskribita," Mubarak diris al ĵurnalistoj.

Citita de la Interfax novaĵagentejo, li diris, ke la interkonsento estis atingita post malfacilaj intertraktadoj. La Rusa instalota prezidento Dmitry Medvedev diris, ke li avide atendas produktivan partnerecon en kunlaboro pri nuklea energio.

Projekto por la konstruo de la unua Egipta termonuklea elektrocentralo estos anoncita ĉi tiun jaron. La projekto kostos proksimume 1,5 ĝis 2 miliardojn da Usonaj dolaroj. Egiptio ankaŭ intencas poste konstruadi tri aliajn termonukleajn elektrocentralojn kun kumula kapacito de 1,800 MW, aŭ po 600 MW. La celo estas diversigi fontojn de energio, tiel permesante, ke la landaj rezervoj da hidrokarbono daŭru pli longe.

Rusio jam helpis konstrui kvin termonukleajn elektrocentralojn en Ĉinio, Barato kaj Irano, kun kontraktoj de entute 4,5 miliardoj da Usonaj dolaroj, kaj ankaŭ gajnis la vetkuron por konstrui la centralon en Belene, Bulgario. La Irana fabrikejo ĉe Bushehr estas laŭ lastaj informoj preskaŭ kompletigota.