TONGO - 29-an de julio, 2008.

La reĝo de Tongo, George Tupou la 5-a, forlasos grandan parton de la preskaŭabsoluta potenco, kiun sia familio tenadis jam de kelkaj generacioj. Li reduktos sian politikon rolon al rutinaj registaraj aferoj kaj la registaron de nun gvidos la ĉefministro, proparolanto anoncis. La monarĥo, kiu anstataŭis sian patron Tupou la 4-a, en septembro 2006, formale surtroniĝos vendredon 1-an de aŭgusto.

La reĝa palaco laŭlonge promesis demokratajn reformojn, sed progreso estas malrapida kaj publika malkontenteco estis kreskanta, korespondantoj diras. George la 5-a, 60-jaraĝa, faros tiujn necesajn ŝanĝojn por prepari la monarĥion por 2010, kiam la plimulto de la nova parlamento estos elektita, diras Hon Fielakepa, la Lordo Ĉambelano kaj reĝa proparolanto.

"La suvereno de la sola polinezia reĝlando libervole forlasas sian potencon por kontentigi la demokratajn aspirojn de sia popolo," li diris. Pasintsemajne, la registaro diris, ke la reĝo kompletigis la vendon de siaj ŝtataj valoraĵoj kiuj kontribuis al granda parto de la reĝfamilia riĉeco.

Tongo estas unu el nur kelkaj landoj en la mondo kie la monarĥo havas rolon en la ĉiutaga konduko de registaro. Sed premoj pri ŝanĝo pligrandiĝis en tiu sudpacifika nacio. Agitado ekflamis kaj fariĝis tumultoj en 2006 ĉe demokrata amaskunveno en la ĉefurbo, Nuku'alofa, kiuj lasis ok mortintojn kaj detruis grandan parton de la urbo. La kronado de George la 5-a estis prokrastita rezulte.

Legu ankaŭ :

• "La megalomanio de la tonga reĝo" (16/06/2008)