Nordameriko : lasttempaj artikoloj
- 18-jarcenta ŝipo eltrovita sub World Trade Center
- Kubo liberigas politikajn kaptitojn
- Ĉimpanzoj bonoboj libervole dividas manĝaĵon
- Kuba disidento mortas en prizono
- Barack Obama rivelas planojn por reformi sansistemon
- Olimpiaj Ludoj komenciĝas post tragedio
- Nombro de mortintoj altiĝas al 230 000 en Haitio
- Prezidento Obama alfrontas novan politikan klimaton
- Haitio provas reloĝigi siajn viktimojn
- Frapis Haition fortega tertremo
La mondo en bildoj
|
www.flickr.com
|
| Klaku.net | Via demokratia amaskomunikilo |
|
| Nombro de mortintoj altiĝas al 230 000 en Haitio |  |
| Nordameriko - Socio |
  HAITIO - 10-an de februaro, 2010.
La registaro de Haitio anoncas, ke ĉirkaŭ 230 000 homoj mortis en la pasintmonata tertremo, tio estas 18 000 pli ol en sia antaŭa takso. La perdo de la tertremo kiu okazis la 12-an de januaro alproksimiĝas al tiu, de la cunamo de 2004 en Azio, kiu tiam mortigis 250 000 homojn.
La ministrino pri Komunikadoj Marie-Laurence Jocelyn Lassègue diris, ke la nombro de perdintoj ne estas definitiva. Proksimume 300 000 estis vunditaj. La lasta cifero ne inkluzivas korpojn entombigitajn en privataj tombejoj, nek la mortintojn entombigitajn de  siaj propraj familioj. La unumonata datreveno de la katastrofa tertremo estos markita per preĝmaldormadoj kaj fastado. Fremdaj korespondantoj en la ĉefurbo Portoprinco diras, ke dum la pluvsezono alproksimiĝas, pligrandiĝas zorgoj pri mankon de tendoj kaj intertempaj ŝirmejoj. Pro tio povus ekaperi epidemioj. En la plej granda tendaro kiu estis organizita en la urbo post la tertremo, homoj ankoraŭ estas vivantaj sub kovraĵoj el tukoj kaj lignaj konstruaĵetoj. Respondeculoj de humanitara organizaĵo klarigis, ke ekzistas plano por meti milojn de la plej senŝirmaj senhejmuloj sub tendojn anticipe de la pluvegoj. Sed la defio meti grandan nombron de tendoj en la homplenajn tendarojn estas konsiderinda. Dume, estas raportoj, ke difektita superbazaro disfalis dum homoj estis en ĝi. Savistoj, kiuj laboris en la konstruaĵo por elpreni korpojn de viktimoj el la ejo, provis forigi derompaĵojn por atingi la homojn kaptitajn sub la restaĵoj. Estis neklare, ĉu ili estas vivaj. Ili estis supoze prirabantoj, AFP novaĵagentejo raportis. Ankaŭ legu :
|
