USONO - 19-an de novembro, 2009.

NASA premiis per 900 000 dolaroj la entreprenon LaserMotive el Seatlo, Usono, kiu sukcese montris novan teknologion pri sendrata transportado de energio kiu iam povos helpi al la realigo de la famaj sciencfikciaj “kosmaj liftoj”. 

La konkurso, organizita de NASA kaj Spaceward Foundation, okazis inter la 4a kaj la 6a de oktobro en la instalaĵoj kiuj NASA havas en Dryden Flight Research Center ĉe Edwards, Kalifornio. La ĉefa celo estis disvolvi povuman transport-sistemon kaj robotan grimpilon kiu povus atingi alton de 1000 metroj. La skipo kiuj plenumus ĉiujn celojn, depende de la rapideco kaj maso transportita, povus gajni ĝis 2 milionojn da dolaroj.  
 
La averaĝa rapido de la sistemo de LaserMotive en sia diversaj sukcesaj "climbs" estis 14 km/h dum kvar-minuta periodo. Ĉar ili trapasis la limon de 7 km/h kaj estis la nura kiu atingis la pinton de la kablo, LaserMotive gajnis premion de 900 000  usonaj dolaroj. Por gajni la ceteran monon oni devus atingi rapidecon de 17,5 km/h. Tiu sumo restos gajnebla por la venonta konkurso. 

NASA interesiĝas pri ĉi tiu teknologio pro diversaj celoj, inklude remotaj veturiloj kaj instrumentoj sur la Luno. En la Tero, ĉi tiu teknologio povus esti uzata en foraj lokoj malfacile atingeblaj kaze de katastrofoj. Ekzistas ankaŭ aplikoj por aviadiloj, satelitoj kaj kosma transportado, inkluzive la koncepton pri kosma lifto.

LaserMotive konkursis kontraŭ aliaj du entreprenoj, Kansas City Space Pirates kaj USST skipo el South Bend, Ind. Kvankam la aliaj skipoj ne sukcesis, la ekscito daŭris ĝis la lasta momento. Vertikala “vego” estis kreita por la konkurso, pendante kablon de helikoptero kiu flugis je 1300 metroj.

Power Beaming Challenge estas unu el la ses Centennial Challenges direktita el NASA's Innovative Partnership Program. La celoj de ĉi tiu programo estas estas antaŭenigi progreson en aerkosma teknologio. 

Oficialaj rezultoj, bildoj kaj videoj, konsulteblas ĉe:

 http://www.SpaceElevatorGames.org 
 
Por plia informo pri Centennial Challenges, viziti: http://www.nasa.gov/offices/ipp/innovation_incubator/cc_home.html 
 

Artikolo redaktita el diversaj fontoj de Miguel Hernández. Dankon al li !