| Nordameriko - Politiko |
  KUBO - 19-an de novembro, 2009.
Kubo ankoraŭ malobservas homajn rajtojn kaj uzas severegajn leĝojn por subpremi siajn civitanojn, laŭ nova raporto de la organizo Human Rights Watch. La ŝanĝo de estro en la komunisma landa movo de Fidel Castro al prezidento Raúl Castro ne ŝanĝis kondiĉojn laŭ la raporto. La grupo pri Homaj Rajtoj diras, ke ekde li enoficiĝis Raúl Castro firme tenis la leĝojn sen ŝanĝe.
 Tio estas la unua ampleksa raporto ekde Raúl Castro alvenis al potenco. La raporto diras, ke politikaj kaj religiaj aktivuloj vivas en konstanta timo, kaj, ke ekzistas persista agreso kontraŭ disidentoj. Raúl Castro apogas sin precipe sur kuba leĝo kiu permesas al la ŝtato malliberigi homojn eĉ antaŭ ol ili krimas, Human Rights Watch diras.
"Malgraŭ gravaj malhelpoj al esploroj, Human Rights Watch povis estigi dokumentojn por pli ol 40 kazoj en kiuj Kubo malliberigis individuojn pro "danĝereco" sub la regado de Raúl Castro, ĉar ili provis ekzerci siajn fundamentajn rajtojn," la raporto diras. "Prefere ol malmunti la subpreman maŝinaron, Raúl Castro tenis la leĝaron firme instalita kaj plene aktiva." La raporto estis sekrete esplorita dum mepermesitaj vizitoj al la insulo kaj akiris donitaĵojn de intervjuoj kun proksimume 60 homoj.
La raporto venas ĉe kerna momento, kiam la usona prezidento Barack Obama volas restartigi ligojn kun Kubo. La usona Kongreso (parlamento) ankaŭ estas konsideranta nuligon de vojaĝmalpermeso al la insulo.
|
