| Nordameriko - Ekonomiko |
 USONO - 16-an de septembro, 2008.
La estraro de la usona Federacia Rezerva Banko (Fed) injektis 50 miliardojn da dolaroj en monmerkato sekve de la disfalo de la banko Lehman Brothers. La decido de la Fed sekvas similan agon de aliaj centraj bankoj dum kreskas tumulto en internaciaj merkatoj. La Fed injektis tiun gigantan sumon por helpi financajn merkatojn.
La estraro de la Federacia Rezerva Banko de NovJorko faris la anoncon unu tagon post kiam la usona centra banko injektis 70 miliardojn da dolaroj en financajn merkatojn dum tumulto sekvas la bankroton de la giganta banko de Wall Street Lehman Brothers. La Fed "pretas aranĝi pliajn operacojn iom poste tiun tagon, laŭbezone," la komunikaĵo diras. La decido venis anticipe de renkontiĝo en la usona centra banko pri kian politikon nun konduki. Multaj analizistoj atendas tranĉon en la federala financa indico, aktuale ĉe 2,0 procentoj, en plia peno por teni la fluon de kredito en tiu streĉa financa sistemo.
Antaŭe, la Eŭropa Centra Banko, la Banko de Anglio kaj centraj bankoj de Svislando kaj Japanio ankaŭ injektis miliardojn en la merkatojn por dua tago ĉar ili ankaŭ provas limigi la sekvaĵojn de la disfalo de Lehman Brothers. La operacoj okazis post kiam la banko Lehman Brothers petis juran protekton pro bankroto, kaj post kiam la samranga giganta banko Merrill Lynch estis aĉetita de Banko de Usono por malhelpi, ke ĝi suferos similan sorton. Laŭ raportoj, la usona asekura giganto AIG ankaŭ serĉis masivan prunton anticipe por malhelpi sian sian propran financan krizon. La eventoj sendis skuondojn tra merkatoj kaj instigis centrajn bankojn provizi la ekstran monsumon por ke bankoj pruntedonu reciproke kaj malhelpu tiel pli larĝan disflaon de la tuta financa sistemo.
|
