| Nordameriko - Ekonomiko |
 USONO - 18-an de novembro, 2008.
La usona banko Citigroup anoncas planon por fortranĉi proksimume 52 000 laborpostenojn, aldone al 23 000 jam fortranĉitaj antaŭe ĉi tiun jaron. Citigroup diras, ke la 75 000 laborpostenoj forlasotaj reprezentas redukton de proksimume 20% de sia personaro, ĝi restos do kun 300 000 laborpostenoj tutmonde. La tranĉo okazas pro superfluaj postenoj, vendo de bankooficejoj kaj natura malŝparo, la banko diras.
Citigroup perdis pli ol 20 miliardoj da usonaj dolaroj pasintjare pro la tutmonda financa krizo. Ĝi raportis perdojn dum kvar sinsekvaj kvaronjaroj, kaj iuj analizistoj kredas, ke la banko ne faros profitojn denove ĝis 2010. "Fundamenta komerco restas forta kaj enspezoj estas stabilaj," la banko diras. Citigroup ankaŭ diris, ke sia kapitalpozicio estas "tre forta". La banko atendas, ke siaj elspezoj estos 20% desupre de pintaj niveloj, ĉe proksimume 50 miliardoj da dolaroj en 2009, post kiam la fortranĉo de laborpostenoj estos efektivigita. "Certe tiu tranĉo de postenoj okazos precipe en Londono kaj Nov-Jorko," reprezentanto de Citigroup Win Bischoff rakontis ĉe komerca forumo en Dubajo. Citigroup-a prezidanto Vikram Pandit devis lasttempe alfronti multajn kritikojn kaj dubojn pri sia kapablo suprenirigi la firmaon kaj eviti la financan krizon. Akcioj en Citigroup falis je 4,4% al 9,10 dolaroj . Ili perdis preskaŭ 70% de sia valoro ĉi tiun jaron.
Citigroup, unu el la plej grandaj usonaj bankoj, estas unu el naŭ financaj institucioj kiuj profitos de la usona registara programo pri financa savaranĝo. La Fisko anoncis pasintmonate, ke ĝi faros moninjektojn de 125 miliardoj da dolaroj dividotaj inter Citigroup, JP Morgan Chase, Bank of America, Goldman Sachs, Morgan Stanley, Wells Fargo, Bank of New York Mellon, State Street kaj Merrill Lynch .
|
