RUSIO - 11-an de marto, 2010.


Rusio eklanĉas prikriman enketon sekve de asertoj, laŭ kiuj trafikaj policistoj uzis civilajn aŭtistojn kiel "homajn ŝildojn" por halti suspektitajn krimulojn. Al pluraj ŝoforoj laŭdire oni ordonis uzi iliajn aŭtojn por formi baron sur grava moskva aŭtovojo lastan vendredon. Veturilo stirigita de la rabistoj frakasiĝis tra la blokaĵo kelkajn minutojn poste, kaj tamen povis foriri. Neniu estis vundita, sed pluraj aŭtoj estis difektitaj.

La komandanto  de la trafikpolico estis akuzita kaj jam maldungita. Tiu afero estas la plej lasta en serio de laŭdiraj okazaĵoj kiuj implikas rusajn policistojn, kiuj estas viditaj de multaj Rusoj kiel koruptaj kaj brutalaj. Enketa komitato de Rusio, sub la regado de la Ĝenerala Prokuroro, anoncis merkredon,  ke prikrima enketo pri misuzo de potenco far policistoj de la trafikpolico estis lanĉita.

Ĝi diris, ke ĝi prienketos ĉiun unuopan oficiron implikitan en la afero.

La policestro de Moskvo Vladimir Kolokolcev jam maldungis la komandanton de tiu trafikpolico Aleksandr Kozlov, kies subuloj faris la operacion.

Stanislav Sutjagin diras, ke li estis unu el la civilaj aŭtistoj uzitaj en la vojblokado. En vidbendo sendita sur YouTube, li rakontas, ke la policistoj ne informis la ŝoforojn pri kio estis okazanta, inkluzivante la fakton, ke la suspektatoj estis armitaj. Li diras, ke nur kelkajn minutojn post kiam li ricevis la ordonon de la policistoj frapis lian aŭton tiu de la rabistoj, kaj ankaŭ aŭton de alia aŭtisto.

"Ni povis esti mortigitaj. Kio se la krimuloj haltintus ? Ni povis troviĝi meze de pafado ! Ĉu vere niaj vivoj estas senvaloraj en la rusa ŝtato ?" Li aldonis, ke la oficiroj de la  trafikpolico parkis iliajn aŭtojn malantaŭ la civilaj veturiloj dum la operacio.