SVEDIO - 14-an de marto, 2010.

Post la aprobado en la Kongreso de Usono la Sveda Parlamento sekvis la saman ekzemplon kaj aprobis ĉi-ĵaŭde rezolucion per kiu ĝi oficiale deklaras kiel ''Genocido'' la amasmurdon de la Osmanida Imperio kontraŭ la armenoj en 1915. La registaro intencis bremsi la procezon pro eblaj negativaj konsekvencoj por la ĵusaj malfortaj rilatoj inter Turkio kaj Armenio kiuj intencas restabli la diplomatiajn rilatojn kaj malfermi la landlimon.

Sed la socialdemokrata opozicio sukcesis, ke la procezo antaŭeniru per plia voĉdono kaj ĝi estis agnoskata.

"Se la viktimoj kaj ilia suferado ne estas agnoskataj, la traŭmato daŭros" diras parlamentano de la sveda maldekstro.
La decido okazigis fortan reagon en Turkio, kiu vokis sian ambasadoron en Svedio kaj nuligis viziton de la turka ĉefministro  al la skandinava lando. "Tiuj kiuj voĉdonis estis nek historiistoj nek sciencistoj" diris la turka prezidento. "Bedaŭrinde ekzistas homoj kiuj agas senmotive. La malrespekto al la historio malgajigas min".

Laŭ Armenio, la Osmanida Imperio murdis inter 1915 kaj 1923 milionon kaj duonon da Armenoj kiuj estis devigataj marŝi tra la dezerto ĝis la nuna Sirio. Multaj intelektuloj estis senkapigitaj. Ankaro agnoskas la morton de ĉ. 250 000 kaj 500 000 personoj sed malagnoskas la genocidon.

Aliaj landoj, kiel Hispanio, jam preparas projekton prezentotan antaŭ la parlamento por la agnoskado de la Genocido. Alia lando kiel Francio jam agnoskis la genocidon antaŭ kelkaj jaroj.

Fonto : Euronews 

Ankaŭ legu pri la sama temo :

• "Armenio celebras la agnoskadon de la armena genocido far Komisiono de la Kongreso de Usono" (2010/03/07)