BRITIO - 9-an de aprilo, 2008.

la Holivuda aktoro kaj direktoro George Clooney vizitis la faman adreson 10 Downing Street, hejmo de la Brita ĉefministro por pridiskuti la krizon en Darfur kun Gordon Brown. La stelulo, kiu estas UN "mesaĝisto de paco", proponis "mirindan sugeston" por aĉeti interpacigajn helikopterojn. Sro Brown diris, ke la situacio en Darfur, parto de Sudano, estis "neakceptebla" kaj laŭdis la penojn de Sro Clooney.

FRANCIO - 12-an de marto, 2008.

Franca prokuroro petis al juĝistoj fari akuzojn pri krimo kontraŭ la Usona flugkompanio Continental, post la kraŝo de la aviadilo Concorde apartenanta al la Franca kompanio Air France, en la jaro 2000. La prokuroro ankaŭ rekomendis similajn akuzojn kontraŭ du dungitoj de Continental kaj du Francaj respondeculoj. Cent dek tri homoj mortis en la kraŝo ekster Parizo.

ARMENIO - 14-an de februaro, 2008.

Aviadilo enhavanta 21 homojn ekflamis kaj kraŝis, nelonge post kiam ĝi ekflugis el la flughaveno de la ĉefurbo Erevano en Armenio. La CRJ-100 aviadilo, konstruita en Kanado, apartenis al la Belarusia flugkompanio Belavia, estis survoje al Minsko kiam ĝi ekbrulis. Ne estis mortintoj, sed kvar homoj estis transportitaj al hospitalo kun gravaj brulvundoj, loka respondeculo diris.

TURKIO - 31-an de januaro, 2008.

Eksplodo mortigis almenaŭ 17 homojn kaj vundis pli ol 40 en sidejo de teksaĵo-fabriko en la antaŭurbo de Istanbulo, Turkaj respondeculoj diras. La eksplodo kaŭzis la disfalon de kvinetaĝa konstruaĵo en la okcidenta distrikto Davutpasha. Vunditaj homoj estis kondukitaj el la konstruaĵo, sed iuj viktimoj estas laŭdire ankoraŭ sub la rubo.