GERMANIO - 28-an de junio, 2008.

Germanio memorfestas la 60-an datrevenon de la tielnomata berlina aerponto, kiam la okcidentaj alianculoj provizis la urbon malgraŭ Sovetia blokado. Veteranoj de la tiama aertransportado, el kiuj multaj nun havas inter 80 kaj 90 jarojn, ĉeestis ceremoniojn en Berlino kaj Frankfurto. La usona kaj brita aerponto daŭris dum pli ol unu jaro, kaj okupis centojn da aviadiloj kiuj liveris ĉiom, de karbo al sukeraĵoj.

KOSOVO - 11-an de junio, 2008.

TURKIO - 25-an de majo, 2008.

Tutsimpla ligna seĝo en kebabbutiko estas la lasta nemankebla vidindaĵo en la urbo Bursa en Turkio, post kiam la Brita Reĝino uzis ĝin dum sia vizito al la lando. Iama ĉefurbo de la Otomana Imperio, Bursa jam fiere posedas gravajn vidindaĵojn : La Verda Moskeo, la Sultanaj maŭzoleoj kaj la silkaj butikoj... kaj nun en la loka kebabrestoracio estas la seĝo sur kiun sidiĝis la Reĝino.

BELGIO - 3-an de majo, 2008.

La Belgaj civilaj kaj militistaj informservoj enketas pri atakoj direktitaj dum kelkaj semajnoj kontraŭ la donitaĵretejoj de la federalaj aŭtoritatoj. Ĉi tiuj provoj de spionado estas ŝajne gvidataj de Ĉinio. Jo Vandeurzen, ministro pri Justico, konfirmis, je la 2-a de majo, ke la Belga registaro suspektas Pekinon, sed ĝis nun ne povas publikigi finajn indicojn. Sed "la kunteksto kaj ĉiuj vojoj kondukas nin al Ĉinio", emfazas la ministero pri Justico kiu diras, aldone, ke li ne scias, ĉu la retspionoj atingis ilian celon.