Azio : lasttempaj artikoloj
- Grava sanzorga krizo en Nordkoreio
- Singapuro : plej rapide kreskanta ekonomio de la mondo
- Nul-ellasa aǔto en la ĝardeno de SME
- Vojaĝo en la ĝardeno de SME...
- Denove forta tertremo frapas Ĉinion
- Pjongjango ekzekutas la respondeculon de la mon-reformo
- Japana firmao kreas novan specon de "spiona" poŝtelefono
- Barataj deputitoj voĉdonas favore al virinoj en parlamento
- Google : interreta cenzuro en Ĉinio estas 'komerca afero'
- Ĉinio emisiis obligaciojn
La mondo en bildoj
|
www.flickr.com
|
| Klaku.net | Via demokratia amaskomunikilo |
|
| Forta tertremo en orienta Indonezio |  |
| Azio - Natura medio |
  INDONEZIO - 6-an de januaro, 2009.Serio da potencaj tertremoj ŝancelis la indonezian izolitan orientan provincon de Papuo, nelonge ekkaŭzante zorgojn pri cunamo, respondeculoj diris. Knabineto estis mortigita kaj dekoj da aliaj personoj estis grave vunditaj en la tertremoj, kiuj ankaŭ sendis malgrandajn cunamojn al la japana sudorienta marbordo. Panikantaj loĝantoj fuĝis al pli altaj teroj kiam la unua tertremo de forteco 7.6 frapis dimanĉon, 135 kilometrojn de la ĉefa urbo Manokwari, laŭ la Usona Geologia Studofico. Provizoj de elektro estis interrompitaj kaj komercaj flugoj estis nuligitaj post kiam fendetoj aperis sur la kurejoj de la urba flughaveno. Hengky Tewu, direktoro de la loka hospitalo, diris, ke 10-jara fraŭlino estis mortigita ĉe si kiam muro disfalis kaj frapis ŝian kapon. Almenaŭ 50 homoj estis enhospitaligitaj pro rompitaj ostoj kaj kapovundoj dum 300 aliuloj ricevis urĝan pritrakton, Henri Sembiring loka sanoficialulo, rakontis. Unu el la tremoj kun forteco de 7.3 estis sentita ĝis 1300 kilometroj for en norda Aŭstralio, sed neniu difektaĵo estis tie raportita. La  Indonezia Nacia Agentejo pri Kunordigo de Katastrofoj diris, ke proksimume 135 hejmoj kaj aliaj konstruaĵoj estis severe difektitaj aŭ falis pro la tertremoj. Loĝantoj en Manokwari, miksa amaso de malaltaj brikaj kaj cementaj strukturoj kiu estas hejmo por 167 000 homoj, restis singardemaj antaŭ postaj tremoj, kaj multaj preferas resti subĉiele kaze, ke novaj tremoj kaŭzus pliajn disfalojn de konstruaĵoj. La indonezia ministerio pri Sanaferoj kaj "World Vision Indonesia", humanitara organizo, diris, ke ili sendis skipojn de humanitaraj helpistoj kaj specifan ilaron inter kiuj estas ladmanĝaĵoj, lanaj litkovroj kaj bazaj kuracaj provizoj.La provinco Papuo troviĝas proksimume 2955 kilometrojn oriente de la landa ĉefurbo, Ĝakarto, kaj ĝi estas inter la malplej evoluitaj lokoj. En decembro 2004, masiva submara tertremo en la okcidenta indonezia provinco de Aceh kaŭzis gigantan cunamon kiu postlasis almenaŭ 230 000 mortintojn kaj disvastiĝis al dek du landoj tra la Hinda Oceano. Indonezio troviĝas ambaŭflanke de ĉeno de faŭltoj kaj vulkanoj nomata la "Pacifika ringo de fajrego" kaj estas ofte submetata al forta sisma aktivado. |
