Sudameriko : lasttempaj artikoloj
- Argentino laŭleĝigas samseksan edziĝon
- Projekto pri filtrado de Interreto kontestata en Venezuelo
- Alianculoj de Uribe venkas en balotado
- Nova ĉilia prezidento enoficiĝas dum nova tertremo
- Lingvo malaperas en Gujano
- Ĉilio trafita de fortega tertremo
- Argentino subtenata de najbaroj en disputo kun Britio
- Virino iĝas prezidento de Kostariko
- Evo Morales reelektita prezidento de Bolivio
- Urugvajo : iama ribelulo iĝas prezidento
La mondo en bildoj
|
www.flickr.com
|
| Klaku.net | Via demokratia amaskomunikilo |
|
| Disputo pri akordo inter Kolombio kaj Usono |  |
 |
| Sudameriko - Politiko |
  KOLOMBIO - 05-an de novembro, 2009.
Kolombia opoziciaj grupoj kolere reagis post kiam detaloj de polemika militista interkonsento kun Usono estis publikigitaj. Laŭ tiu 10-jara interkonsento, usonaj militistoj ne nur havos liberan aliron al militistaj bazoj, sed ankaŭ povos uzi gravajn internaciajn civilajn flughavenojn. La usona personaro kaj defendokontraktistoj ankaŭ ĝuos diplomatian imunecon.
La prezidento Alvaro Uribe diras, ke la akordo helpos forigi el Kolombio bandaĉojn de drogtrafikistsoj kaj maldekstrismajn grupojn  da ribeluloj. Sed la eminenta opozicia senatano Gustavo Petro, de la maldekstrisma partio PDA, diris, ke tiu ĉi interkonsento sume estas virtuala usona okupado de Kolombio. La akordo estis subskribita lastan vendredon sed plenaj detaloj nur estis publikigitaj mardon. Ili rivelas, ke usonaj militistoj havos aliron al sep kolombiaj bazoj de terarmeo, mararmeo kaj aerarmeo, kaj ankaŭ povos uzi civilajn flughavenojn sub kondiĉoj kiuj ankoraŭ ne estis klare komprenigitaj. La kolombia militokomandanto, la Generalo Freddy Padilla, citita de naciaj amaskomunikiloj, deklaris, ke la utilo de la interkonsento estos sentita tra la tuta lando, dum Usono gvidas gravajn kontraŭdrogajn kaj kontraŭterorismajn misiojn. La interkonsento estigis plimalboniĝon de jam streĉitaj rilatoj inter Kolombio kaj Venezuelo. Venezuelo rompis diplomatiajn rilatojn kun sia najbaro kaj la venezuela prezidento Hugo Chávez avertis, ke kolombiaj militistaj bazoj povus esti uzitaj de Usono por ataki sian landon. Aliaj landoj en la regiono, inter kiuj Brazilo kaj Ĉilio, ankaŭ diris, ke tiu decido zorgigas ilin. Kolombio estas ĉiam pli izolita en la regiono, sed ŝajne ne vere zorgas pri tio, tiom longdaŭre kiom ĝi havas fortan subtenon de Usono. |
