Eŭropo : lasttempaj artikoloj
- Hispanio venkas en Futbala Mondpokalo
- "Solar Impulse" sunenergia aviadilo sukcese flugis
- Francio lanĉas debaton pri vizaĝkovranta vualo
- Pollando havas novan prezidenton
- Rusio pretas malpermesi aŭtostiradon en ebria stato
- Scientistoj deĉifris la DNA-n de nova speco de homoj
- Papo Benedikto alfrontas akuzojn pri kaŝo de seksfitrakto
- La rusa mafio evidentiĝis kartvela
- Falsa anonco pri eksplodo panikigas publikon
- Falsa televidprogramo estigas panikon en Kartvelio
La mondo en bildoj
|
www.flickr.com
|
| Klaku.net | Via demokratia amaskomunikilo |
|
| Ĉeĥa EU-artaĵo hejtas polemikon |  |
| Eŭropo - Kulturo |
  EŬROPA UNIO - 14-an de januaro, 2009.Nova arta instalaĵo elmontrata en la konstruaĵo de la Eŭropa Konsilio en Bruselo kolerigis multajn EU-membrojn pro ĝia satiro de naciaj stereotipoj. "Entropa" ekzemple portretas Bulgarion kiel necesejon, Rumanion kiel temoparkon pri Dracula kaj Francion kiel ĉiam strikantan landon. La Ĉeĥa Respubliko, kiu tenadas la EU-prezidentecon, opiniis, ke ĝi mendis laboron de 27 eŭropaj artistoj. Sed montriĝis, ke la ekspozicion tute kompletigis la ĉeĥa artisto David Černý kaj du kolegoj. La oktuna mozaiko estas kuntenata de plastaj partoj kiuj similas al tiuj uzataj en modelilaroj. Nederlando estas montrita kiel serio de minaretoj mergitaj de inundo, ebla referenco al la landa religia streĉa situacio. Luksemburgo estas "vendota", Hispanio tegita de betono, Germanio estas montrita kiel reton de aŭtovojoj nebule similantan al svastiko, dum Britio, kritikita de iuj pro tio, ke ĝi estas unu el la plej eŭroskeptikaj membroj de la EU, eĉ ne aperas. La 16-kvadratmetra verko estis instalita ĉe la semajnfino por marki la komencon de la sesmonata ĉeĥa prezidenteco de la EU. Tie jam alvenis kolera reago de Bulgario, kiu petis al la ĉeĥa ambasadoro en Sofio klarigi la signifon de la ekspozicio. La tri artistoj respondecaj pri "Entropa" estis estritaj de David Černý kiu estas la "enfant terrible" de la ĉeĥa arta mondo. Kiam lia registaro komisiis lin por estigi la instalaĵon, kelkaj surpriziĝis, kaj ŝajne ne sen kialo. La ĉeĥa vicĉefministro Alexandr Vondra diris, ke li nur tiun lundon eksciis, ke la instalaĵo ne estas la laboro de 27 eŭropaj artistoj, sed tiiun de David Černý kaj du kolegoj. Sro Vondra kondamnis Sron Černý kaj diris, ke la ĉeĥa EU-prezidenteco konsideras kian sintenon havi antaŭ la oficialan inaŭguron de la ekspozicio. "Interkonsento de la oficejo de la registaro kun la artisto klare deklaris, ke ĉi tio devos esti komuna laboro de artistoj de 27 EU-ŝtatoj," li diris. "La plena respondeco por malobservo de ĉi tiu komisio kaj ĉi tiu promeso restas al David Černý ." Sro Černý, kiu prezentis "Entropa-n" al sia registaro kun broŝuro priskribanta ĉiujn el la 27 artaĵoj supoze elfaritaj de kontribuantoj de ĉiu membroŝtato, pardonpetis pro erarigo de ministroj, sed ne pro la instalaĵo mem. "Ni sciis, ke aperos la vero," diris Sro Černý. "Sed antaŭ tio, ni volis sperti, ĉu Eŭropo povas primoki sin mem." Li aldonis, ke Entropa "estas satiro de la socie aktiva arto kiu estas en ekvilibro sur la rando inter intencataj polemikaj atakoj kontraŭ nacia karaktero kaj malzorgiga ornamado de oficiala spaco". Sro Černý jam estigis skandalon en la fruaj 1990-aj jaroj kiam li farbis sovetian tankon, monumenton de la Dua Mondmilito en Prago, per brila roza koloro. Oficiala retejo de David Černý |
