| Eŭropo - Ekonomiko |
  ISLANDO - 27-an de oktobro, 2009.
Mcdonald's ĉesigos sian komercan agadon en Islando, ĉar la financa krizo igis la funkciadon de la franĉizo en restoracioj tro altekosta en la lando. La giganta firmao de rapida manĝado diris, ke siaj tri restoracioj en la lando fermiĝos, kaj, ke ĝi ne havas intencon reveni.
Krom la ekonomiaj problemoj, Mcdonald's kulpigas la kompleksecon de negociado en tiu izolita lando kun loĝantaro de nur 300 000 homoj. La unua islanda Mcdonald's restoracio malfermiĝis en 1993. La franĉizojn estras firmao nomata Lyst, kaj la posedanto Jon Gardar Ogmundsson diras, ke la decido ne estis prenita facile. Li diras, ke la restoracioj importas la varojn el Germanio, ĉar la lando estas tro malgranda por mem produkti ĉiujn necesajn varojn.
La produktokostoj preskaŭ duobliĝis, pro la falo de la islanda monunuo Krono, kiu igas importaĵojn nepageble altekostaj. Sro Ogmundsson deklaras, ke "la restoracioj estas senprecedence vizitataj lastatempe, sed samtempe profito estas senkompare malalta. Tio nur estas sensence. Por kilogramo de cepo, importata el Germanio, mi devas pagi la ekvivalenton de botelo da bona viskio", li aldonas. Li hodiaŭ intencas estri la restoraciojn sub alia nomo tiel, ke li povos aĉeti pli malmultekostajn islandajn produktojn. Islandaj bankoj disfalis je la pinto de la tutmonda kreditokrizo, ruinigante la landa ekonomio kaj devigante ĝin tute dependi de internacia asisto.
|
