NEDERLANDO - 06-an de marto, 2010.

La polico en Nederlando ĵaŭde, la 4-an de marto arestis en la aerporto Schiphol de Amsterdamo la piloton de aersocieto turka Corendon, kiu gvidis Boeingon-737 sen licenco ĝusta. Momente de la aresto la aviadilo sub lia gvido kun 101 pasaĝeroj estis atendanta permeson de elflugo al Ankara.

Post la aresto la piloto konfesis, ke li dum la lastaj 13 jaroj flugadis en diversaj aersocietoj de Belgio, Britio kaj Italio dum pli ol 10 000 horoj, informas "The Daily Mail". Tiun ĉi informon oni kontrolas nun.

La reprezentantoj de Corendon konfirmis, ke la piloto arestita laboris ĉe la societo de du jaroj disponiginte dum formaĵigoj de sia laboro dokumentojn falsajn. Informon pri tio, ke la licenco de unu el la pilotoj estas falsa, la aersocieto ricevis el la polico nederlanda.

Laŭ informo de "The Daily Mail" la arestito estas civitano de Svedio kaj loĝas konstante en Milano. Oni kaŝis lian nomom. La polico eksplikis, ke li vere havis iam licencon por aviadilo malpeza. Tamen unue la licenco ne plu validas dum kelkaj jaroj, due ĝi ne permesas gvidon de aviadiloj grandaj.

Oni informas, ke la piloto en momento de aresto provis elŝiri el sia uniformo la galonojn. Nun li estas en karcero apud Amsterdamo. Ĝis sesa de marto oni devas decidi lian liberigon kontraŭ kaŭcio. Oni povas akuzi lin pro falsigo de dokumentoj kaj gvido de aviadiloj sen licenco.

Fonto:

http://www.lenta.ru/news/2010/03/04/pilot/ (en la rusa)

Sendis al Eventeo tiun artikolon Ivan Kossey. Dankon !