FRANCIO - 08-an de oktobro, 2009.

Francaj ĉasistoj de  fosilioj eltrovis grandegajn dinosaŭrajn piedsignojn, laŭdire inter la plej grandajn en la mondo. La piedsignoj estis faritaj antaŭ 150 milionoj da jaroj de saŭropodoj, longakolaj herbomanĝuloj, en kreteca sedimento en la altebenaĵo de Jura en orienta Francio.

La spuroj estas proksimume 1,5 metron larĝaj, kaj respondas al bestoj kiuj estis pli ol 25 m longaj kaj pezis 30 tunojn. Francaj fakuloj diras, ke la trovaĵo en la loko Plagne, apud Svislando, estas "escepta". "La spuroj kiujn formis la piedsignoj etendiĝas super dekoj, eĉ centoj da metroj," reprezentanto de la Nacia Centro por Sciencaj Esploroj (CNRS) deklaris. "Ni fosos plue en la venontaj jaroj kaj la spuroj povos riveli, ke la ejo ĉe Plagne estas unu el la plej granda tia en la mondo."

La piedsignoj, de la Supra Ĵurasia epoko, estis trovitaj en aprilo ĉi tiun jaron, de paro de amatoraj fosilioĉasistoj, sed nur hodiaŭ estas aŭtentikigitaj de sciencistoj. Alia tavolo de sedimento, nun tre malmola, konservis la piedsignojn. Ili estis rivelitaj kiam loka arbofaligo malkovris la teron sube, francaj amaskomunikiloj raportas. La regiono en la epoko de dinosaŭroj troviĝis apud malprofunda, varmeta maro.